ځايي خلک: طالبانو د جوزجان ولایت خم آب ولسوالۍ اړوند ټول کلي نیولي دي

کابل ټکی کام ۲۸عقرب/۱۳۹۴

احمدالله مهاجر
د جوزجان ولایت له خم آب ولسوالۍ څخه ځايي خلک خبر را کوي چې نن سهار ۵بجې شاوخوا پر دغه ولسوالۍ طالب جنګیالیو پراخ عملیات ترسره کړل، چې د دغه ولسوالۍ اړوند ټول کلي یې پخپله ولکه کې را وستل.
د ځايي خلکو پر وینا چې په سیمه کې د افغان ځواکونو مړي لیدل کیږي، او ګڼ شمېر نور یې د تلفاتو په لیدلو سره په تېښته بریالي شوي دي.
ځايي خلک زیاتوي چې اوسمهال هم د یادې ولسوالۍ په مرکز کې افغان ځواکونه د طالب جنګیالیو تر کلکې محاصرې لاندې دي، او شېبه په شېبه د محاصرې کړۍ پرې تنګیږي.
د طالبانو ویاند ښاغلی ذبیح الله مجاهد یاد برید تأییدوي، او وايي چې جنرال دوستم په سیمه کې له ملکي خلکو سره  زیات وحشت کړی دی، او د ده د ټټر وهلو او د درواغو ادعاوو چې ګواکي  طالب جنګیالي یې له سیمې څخه شاتگ ته اړ کړي دي، د مجاهد له قوله طالبان دې ته اړ کړل چې په سیمه کی پراخ عملیات ترسره کړي.
خو تر اوسه پورې دولتی سرچینو یې په اړه څه ندي ویلي…