(کابل ټکی کام ۱۳۹۶ زمری ۱۵ فرید افغان)
وروسته له هغه چې شمالي کوریا د توغندویو ازمویل پیل کړل د امریکا په ګډون ډیرو هیوادونو دسختو بندیزونو په لګولو سره وګواښه.
پر پیونګ یانګ باندې په نویو لګول شويو بندیزونه کې د دغه هېواد صادرات واریدات او پانګونه په نښه شوې چي ددې هیواد په اقتصاد به ژور اغیز وکړي
پر شمالي کوريا د نويو بنديزونو له مخې دغه هېواد نه شي کولی چې له دې وروسته چين ته د ډبرو سکرو، کاني ډبرو او نورو خامو موادو صادرات وکړي
دې هیواد له همدې درکه په کلني ډول ۳ میلیارده ډالر تر لاسه کول، چې د نویو بندیزونو له امله به یې عاید یو میلیارد کم شي.
د شنبې په ورځ چین د ملګرو ملتونو په امنیت شورا کې د شمالي کوریا پر وړاندې نوي بندیزونو ته مثبته رایه ورکړه
ویل کیږي چې چین او امریکا داځل په شمالي کوریا د بندیزونو د لګولو پخاطر خپلمنځي اتحاد کړی ؤ.
چې امریکا د چین لخوا د مثبتې رایي کارول همستایلي دي.
چین په سیمه کې د شمالي کوریا لوی متحد بلل کیږي خو وروستي اقدام یې ښایي له شمالي کوریا سره اړیکې ترینګلې کړي.
پر شمالي کوریا دغه بندیزونه د جولای میاشتې د هغو ددو توغندیو تر توغونې وروسته ولګېدل چې شمالي کوریا ادعا کوي د امریکا تر خاورې رسېدای شي. د شمالي کوریا له خوا د توغندیو ازموینه د جاپان، جنوبي کوریا او امریکا له توندو غبرګونونو سره مخامخ شوه او په غبرګون کې يې د نویو بندیزونو نوملړ چمتو کړ.
