ﺩﺍ ﯾﻮ څو ﺧﻮږﯤ ﺍﻭ ﺗﺮﺧﯥ ﻫﻢ ﻭﻟﻮﻟﺊ !!!
رالیږونکی : سمیه تبسم
ﺯﻣﺎ څه ﻣﺎﻏﺰﻩ ﻧﺪﻱ ﺧﺮﺍﺏ ﭼﯥ ﭼﺎﺗﻪ ﻭﻭﺍﯾﻢ ﻣﺎﺗﻪ انځوﺭ ډﯾﺰﺍﯾﻦ ﮐړﻩ؛ ﻭﻟﯥ ﺩﻭﯼ ﺧﭙﻠﻪ ﺳﺘرګې ﻧﻠﺮﻱ، ﻧﻪ ﭘﻮهﯿږﻱ ﭼﯥ ﺩﺍ ﻏﺮﯾﺐ هﻢ ﺣﻖ ﻟﺮﻱ؟!
ﺧﻮ ﺍﻭﺱ ﯾﯥ ﻧﻪ ﻏﻮﺍړﻡ، ځﮑﻪ ﭘښﺘﺎﻧﻪ ﻣﺘﻞ ﮐﻮﻱ، ﻭﺍﯾﻲ ﭼﯥ ﻭﯾﯥ ﻏﻮﺍړﯤ ﭘﻪ ﺧﻮﻟﻪ، ﻧﻮ ﻭﺑﻪ ﯾﯥ ﺧﻮﺭﯤ ﭘﻪ څﻪ. ﺧﻮ ﺑﯿﺎهﻢ ﺑﺎﻟﻔﺮﺽ ﮐﻪ ﭘﻪ ﺗﺎﺳﻮ ﮐﯥ ﭼﺎ ﺩﺍ ﻧﯧﮏ ﮐﺎﺭ ﮐﻮﻭ ﺍﻭ ﻏﻮښﺘﻞ ﻣﻮ ﭼﯥ ﺩ ﺯﻣﺮﻱ ﺩ ۲۸ ﭘﻪ ﻭﯾﺎړ ﺯﻣﺎ ﺍﻧځﻮﺭ ﺟﻮړ ﮐړﺉ ﻧﻮ ﺩﺍﺳﯥ ﯾﯥ ﺟﻮړ ﮐړﺉ ﭼﯥ:
ﺍﻓﻐﺎﻧﺴﺘﺎﻥ ﻣﯥ ﭘﻪ ځﯿګﺮ ﻭﻟﯿﮑﺊ.
ﺩ ﺯﻣﺮﻱ ﺍﺗﻪ ﻭﯾﺸﺘﻢ ﺭﺍﺗﻪ ﭘﻪ ﺩﺍ ﺳﺮﻭﻟﯿﮑﺊ.
ﺷﺎﻭﺧﻮﺍ ﺭﺍﻧﻪ ﺩ ﺍﻣﺮﯾﮑﺎﯾﺎﻧﻮ ﻟښﮑﺮ ﻭﻟﯿﮑﺊ.
ﭘﻪ ﭘښﻮ ﮐﯥ ﻣﯥ ﺯﻧځﯿﺮ ﺍﻭ ﺩ ﺳﺮ ﺩﭘﺎﺳﻪ ﺭﺍﺗﻪ ﺧﻨﺠﺮ ﻭﻟﯿﮑﺊ.
ﺩﺍ ﭘﻪ ﺩﯤ ﻣﺎﻧﺎ ﭼﯥ ﮐﻮﻣﻪ ﺩﻩ ﺍﺯﺍﺩﻱ؟!
ﮐﻪ ﻣﻮﻧږ ﺍﺯﺍﺩﻱ ﺩﺭﻟﻮﺩﺍﯼ ﻧﻮ ﺯﻣﻮږ ﻣﺸﺮﺍﻥ ﺑﻪ ﭘﻪ ﻣﻮﻧږ ﺑﺎﻧﺪﯤ ﺩ ﻧﻮﺭﻭ ﻟﺨﻮﺍ ﻣﻨﻞ ﮐﯧﺪﺍﯼ ﺍﻭ ﺗﭙﻞ ﮐﯧﺪﺍﯼ؟!
ﮐﻪ ﻣﻮﻧږ ﺁﺯﺍﺩ ﻭﺍﯼ ﻧﻮ ﺍﮐﺜﺮﯾﺖ ګټﻮﻧﮑﯽ ﺍﻭﭘﺨﭙﻞ ﺩﺭﯾځ ﻭﻻړ ﻭﻟﺴﻤﺸﺮ ﺑﻪ ﻣﻮ ﺩﻭﻣﺮﻩ ﮐﻤﺰﻭﺭﯼ ﮐﯧﺪﺍﯼ ﭼﯥ ﭘﻪ ګټﻞ ﺷﻮﻱ ﻭﺍﮎ ﮐﯥ ﻧﺎﮐﺎﻡ ﺳړﯼ ځﺎﻥ ﺳﺮﻩ ﺷﺮﯾﮏ ﮐړﻱ؟!
ﮐﻪ ﻣﻮﻧږ ﺍﺯﺍﺩ ﻭﺍﯼ ﻧﻮ ﺟﺎﻧﮑﯿﺮﻱ ﺑﻪ ﺭﺍﺑﺎﻧﺪﯤ ﺧﭙﻞ ﻓﺮﻣﺎﯾﺸﻮﻧﻪ ﻣﻨﻼﯼ ﺍﻭ ﻫﻐﻪ ﻭﻟﺲ ﻣﺸﺮ ﭼﯥ ﻭﯾﻞ ﺑﻪ ﯾﯥ ﺳﻬﺎﻣﻲ ﺷﺮﮐﺖ ﺍﻭ ډګ ﺣﮑﻮﻣﺖ ﻧﻪ ﻣﻨﻢ ﺩﯦﺘﻪ ﺍﻣﺎﺩﻩ ﮐﻮﻟﯽ ﭼﯥ ﻫﺮ څﻪ ﻭﻣﻨﻲ؟!
ﻭﺍﮎ ﻧﯿﻢ ﮐړﻱ، ﺣﮑﻮﻣﺖ ﺷﺮﯾﮏ ﮐړﻱ ﺍﻭ ځﻮﺍﮎ ﺗﻘﺴﯿﻢ ﮐړﻱ؟!
ﮐﻪ ﻣﻮﻧږ ﺍﺯﺍﺩ ﻭﺍﯼ!
ﻣﺎﺑﻪ ﻫﺮﻩ ﺷﭙﻪ ﺩ ﻏﺮﺑﻲ ﻃﯿﺎﺭﻭ ﻟﻪ ﻏﺮﻫﺎﺭﻱ ﭘﻪ ﻭﯾښﻪ ﺗﯧﺮﻭﻻﯼ؟!
ﮐﻪ ﻣﻮﻧږ ﺍﺯﺍﺩﻱ ﻟﺮﻟﯽ!
ﺯﻣﻮږ ﺩ ﮐﻮﺭ ﺗﺮ څﻨګ ﺗﺮ ﺍﻭﺳﻪ ﺩ ﺍﺭﺩﻭ ﻣﻮټﺮ ﺍﻭ ﺩ ﻃﺎﻟﺒﺎﻧﻮ ﻣﻮټﺮ ﺳﺎﯾﮑﻞ ﻧﺪﯼ ﺗﯧﺮ ﺷﻮﯼ، ﺧﻮ ﺩ ﻏﺮﺏ ﺩ ﻃﯿﺎﺭﻭ ﻟﻪ ﺷﻮﺭﻩ ﺧﻮﺏ ﻧﺸﻮ ﮐﻮﻟﯽ.
ﮐﻪ ﻣﻮﻧږ ﺍﺯﺍﺩ ﻭﺍﯼ!
ﻣﻮږ ﺑﻪ ﺩ ﻃﯿﺎﺭﻭ ﻟﻪ ډﺍﺭﻩ ﭘﻪ ﺳﺮﻩ ګﺮﻣۍ ﮐﯥ ﺩ ﺑﺎﻡ ﺧﻮﺏ ﻧﻪ ﭘﺮﯦښﻮﺩ ﺍﻭ ﮐﻮټﯥ ﺗﻪ ﺑﻪ ﻣﻮ ﭘﻨﺎﻩ ﻧﻪ ﻭړﺍﯼ.
ﮐﻪ ﻣﻮﻧږ ﺍﺯﺍﺩ ﻭﺍﯼ!
ﺯﻣﺎ ﻣﺎﺷﻮﻣﻪ خورکی (ﻣﯿﻨﺎ) ﺑﻪ ﻫﺮﻩ ﺷﭙﻪ ﺩ ﺩﻭﻩ څﺮﺧﻪ ﻃﯿﺎﺭﻭ ﻟﻪ ﻭﺍﻣﻪ ﺯﻣﺎ ﭘﻪ ﻏﯧږ ﮐﯥ ﭘﻪ ﮊړﺍ ﻧﻪ ﺭﺍ ﻟﻮﯦﺪﺍﯼ، ﻣﺎﺳﺮﻩ ﺑﻪ ﻧﻪ ﭘټﯧﺪﻩ، ﭼﻐﯥ ﺑﻪ ﯾﯥ ﻧﻪ ﻭﻫﻠﯥ ﺍﻭ ﻣﺎﺑﻪ ﺑﯿﺎ ﭘﻪ ﻣﻼ ﻧﻪ ټﭙﻮﻟﻪ، ﻧﻪ ﺑﻪ ﻣﯥ ﻭﺭﺗﻪ ﻭﯾﻞ ﭼﯥ ﻟﻠﻮ ﺷﻪ ﺑﭽۍ ! ﺩﺍ ﻃﯿﺎﺭﯤ ﺑﻪ ﺧﺪﺍﯼ ﻭﺭﮐﯥ ﮐړﻱ ﺳﺒﺎﺑﻪ ﺷﻲ، ﺗﺎﺗﻪ څﻪ ﻧﻪ ﻭﺍﯾﻲ ﻭﯾﺪﻩ ﺷﻪ ﺍﻭ ﻫﻐﻪ ﺑﻪ ﺑﯿﺎ ﭘﻪ ﺩﺍﺳﯥ ﺣﺎﻝ ﮐﯥ ﭼﯥ ﭘﻪ ﺧﻮﺏ ﮐﯥ ﭘﻮﺭﺗﻪ ګﺎﻡ ﮐړﻱ ﺯﻣﺎ ﭘﻪ ﺳﯿﻨﻪ ﻧﻪ ﻭﯾﺪﻩ ﮐﯧﺪﻻﯼ.
ﮐﻪ ﻣﻮﻧږ ﺍﺯﺍﺩ ﻭﺍﯼ!
ﺯﻣﺎ ﺳﭙﯿﻦ ﺳﺮﯤ ﻣﻮﺭﮐۍ ﭼﯥ ﺩ ﺧﻮﺏ ﭘﻪ ګﻮﻟﯿﻮ ځﺎﻥ ﻭﯾﺪﻩ ﮐﻮﻱ ﺩ ﺷﭙﯥ ﭘﻪ ﺩﻭﻟﺲ ﺑﺠﯥ؛ ﯾﻮﻩ ﺑﺠﻪ ﺑﻪ ﺩ ﻃﯿﺎﺭﻭ ﻟﻪ ﻏﺮﺯ ﺍﻭ ﻏﺮﻭﺯﻩ ﭘﻪ ﮐټ ﮐﯥ ﻧﯧﻐﻪ ﻧﻪ ﮐﯧﻨﺎﺳﺘﺎﯼ، ﻧﻪ ﺑﻪ ﯾﯥ ﻭﯾﻞ ﭼﯥ:
ﺩ ﻏﻢ ﻃﯿﺎﺭﯤ ﻣﻮ ﺷﻪ، ﺧﺪﺍﯼ ﺩﯤ ﺳﺘﺎﺳﯥ ﻏﺮﻭﺭ ﺯﻭﺍﻝ ﮐړﻱ ﭼﯥ ﺑﯿﺎﺑﻪ ﺩ ﭼﺎ ﭘﻪ ﮐﻮﺭ ﺧړﯤ ﺍړﻭﺉ.
ﮐﻪ ﻣﻮﻧږ ﺁﺯﺍﺩ ﻭﺍﯼ!
ﻧﻮ ﺯﻣﺎ ﺩ ښﮑﻠﻲ ﻧﻨګﺮﻫﺎﺭ ﻫﻮﺍﯾﻲ ډګﺮ ﺑﻪ ﺩ ﺍﻓﻐﺎﻧﺎﻧﻮ ﭘﻪ ﻻﺱ ﮐﯥ ﻭﺍﯼ، ﻟﻪ ﻫﻮﺍﯾﻲ ډګﺮﻩ ﺑﻪ ﺳﯿﻤټﻲ ﺍﻭ ډﺑﺮﯾﻦ ﺩﯦﻮﺍﻟﻮﻧﻪ ﺗﺎﻭ ﻧﻪ ﻭﺍﯼ، ﺩ ﻫﻮﺍﯾﻲ ډګﺮ ﻟﻪ ﺧﺎﻭﺭﻭ ډﮐﯥ ﺑﻮﺟۍ ﺑﻪ ﺩ ﻧﻨګﺮﻫﺎﺭ ﻃﻮﺭﺧﻢ ﭘﻪ ﻟﻮﯾﻪ ﻻﺭ (ﭘﺎﺧﻪ ﺳﺮﮎ ) ﻫﺎﺧﻮﺍﺗﻪ ﻧﻪ ﺍﻭښﺘﯽ، ﻭﻟﺴﻲ ﻣﻮټﺮ ﺑﻪ ﺩ ﭘﺎﺧﻪ ﺳﺮﮎ ﺩ ﺑﻨﺪﻭﺍﻟﻲ ﻟﻪ ﮐﺒﻠﻪ ﭘﻪ ﺧﺎﻣﻪ ﮐﯥ ﻧﻪ ﺗﻼﯼ.
ﮐﻪ ﻣﻮﻧږ ﺁﺯﺍﺩ ﻭﺍﯼ!
ﺯﻣﻮږ ﻭﻟﺴﻤﺸﺮ ﺑﻪ ﻭﺍﻟﯿﺎﻥ، ﻣﺮﺳﺘﯿﺎﻻﻥ، ﻭﺯﯾﺮﺍﻥ، ﺳﻔﯿﺮﺍﻥ ﺍﻭ ﻧﻮﺭ ﭼﺎﺭﻭﺍﮐﻲ ﺩ ﭘﺮﺩﯾﻮ ﺍﻭ ﻧﻮﺭﻭ ﻫﯧﻮﺍﺩﻭﻧﻮ ﭘﻪ ﻣﺸﻮﺭﻩ ﻧﻪ ټﺎﮐﻠﯽ.
ﺍﺷﻐﺎﻝ ﺍﻭ ﺑﻠﻮﺍﮐﻲ ﺗﻮﺭﻩ ﻭﻱ ﮐﻪ ﺳﭙﯿﻨﻪ؟!
ﻟﮑۍ ﻟﺮﻱ، ﮐﻪ ښﮑﺮﻭﻧﻪ ﺍﻭ ﯾﺎ ﺍﻭږﺩه ﻏﻮږﻭﻧﻪ؟!
ﺧﻮﺷﺎﻝ ﺑﺎﺑﺎ ﻭﯾﻠﻲ ﺩﻱ:
ﺯﻩ ﺧﻮﺷﺎﻝ ﮐﻔﻦ ﭘﻪ ﻏﺎړﻩ ﺑﻪ ﺭﺍ ﭘﺎڅﻢ
ﮐﻪ ﺧﺒﺮ ﺷﻮﻡ ﭼﯥ ﭘښﺘﻮﻥ ﺩ ﭼﺎ ﻏﻼﻡ ﺷﻮ.
ﻧﻦ ﺩ ﺧﻮﺷﺎﻝ ﺧﺎﻥ ﮐﻠﯿﻮﺍﻝ ﭘﻪ ﻏﻼﻣۍ ﮐﯥ ﻧﻮﻡ ﻟﺮﻱ، ﺧﻮ ﻧﻪ ﺧﻮﺷﺎﻝ ﻭﺭﭘﺴﯥ ﺭﺍﻏﯽ ﺍﻭ ﻧﻪ ﺩﻭﯼ ﺧټﮑﺎﻥ ﺷﻮﻝ.
ﻫﻤﺪﺍﺳﯥ ﮐﻪ ﺍﻣﺎﻥ ﺍﻟﻠﻪ ﺧﺎﻥ ﻏﺎﺯﻱ ﺍﻭ ﻧﻮﺭ ﺩ ﺍﺯﺍﺩۍ ﺩ ﻻﺭﯤ ﻣﺨﮑښ ﻻﺭﻭﯾﺎﻥ ﺑﯧﺮﺗﻪ ﺭﺍﺗﻼﯼ ﺷﻮﺍﯼ ﻧﻮ ﻧﻦ ﺑﻪ ﯾﯥ ډﯦﺮ ﺍﻓﻐﺎﻧﺎﻥ ﺗﺮ ﺳﺘﻮﻧﻲ ﻧﯿﻮﻟﻲ ﻭ ﭼﯥ څﻪ ﮐﻮﺉ ﺍﻭ څﻪ ﺷﯽ ﻧﻤﺎﻧځﺊ.
ﺯﻩ ﺩ ﺯﻣﺮﻱ ﺩ ﺍﺗﻪ ﻭﯾﺸﺘﻢ )ﺩ ﻫﯧﻮﺍﺩ ﺩ ﺧﭙﻠﻮﺍﮐۍ ﺩ ۹۶ ﯾﻤﯥ ﮐﻠﯿﺰﯤ ( ﺩ ﻧﻤﺎﻧځﻠﻮ ﻣﺨﺎﻟﻔﺖ ﻧﻪ ﮐﻮﻡ، ﻭﯾﺎړﻡ ﭼﯥ ﺳﭙﯧڅﻠﯽ ﺍﻭ ﻟﺮﻏﻮﻧﯽ ﺗﺎﺭﯾﺦ ﻟﺮﻭ، ﻧﻮﺭﻭ ﺧﻠﮑﻮ ﺯﻣﻮږ ﻟﻪ ﺍﺯﺍﺩۍ ﺩ ﺍﺯﺍﺩۍ ﺍﻟﻬﺎﻡ ﻭﺍﺧﯿﺴﺖ، ﭼﻞ ﻣﻮ ﻭﺭ ﻭښﻮﺩ، ﺧﻮ ﺧﻔﻪ ﭘﻪ ﺩﯤ ﯾﻢ ﭼﯥ ﻣﻮږ ﺩ ﺍﺟﺪﺍﺩﻭ ﭘﻪ ﺗﻮﺭﻩ ﻭﯾﺎړﻭ، ﺧﻮ ﺧﭙﻠﻪ ﻫﯿڅ ﻧﻪ ﮐﻮﻭ.
ځﺊ ﺗﺎﺳﯥ ﻭﻭﺍﯾﺎﺳﺖ ﭼﯥ ﻣﻮږ ﺩ ﺁﺯﺍﺩۍ ﻟﭙﺎﺭﻩ، ﯾﺎ ﯾﯥ ﺩ ﺳﺎﺗﻠﻮ ﺍﻭ ﯾﺎ ﺩ ګټﻠﻮ ﻟﭙﺎﺭﻩ څﻪ ﮐړﻱ ﺩﻱ؟!
ﺩﺍ ﺧﺒﺮﯤ ﺩ ﺯړﻩ ﻟﻪ ﺩﺭﺩﻩ ﺩﺭﺗﻪ ﻟﯿﮑﻢ،
ﺳﺘﺎﺳﯥ ﺩﯤ ﺧﻮﺍ ﺑﺪﻩ ﻧﺸﻲ ﺍﻭ ﺯﻩ ﺑﻪ ﺩﺍ ﻫﯿﻠﻪ ﺍﻭ ﺩﻋﺎ ﮐﻮﻡ ﭼﯥ ﺧﺪﺍﯼ ﺩﯤ ﭘﻪ ﻣﻮﻧږ ﮐﯥ ﺩﺍﺳﯥ ﺯﻣﺮﻱ ﻧﻮﺭ ﻫﻢ ﭘﯿﺪﺍ ﮐړﻱ ﭼﯥ ﺩ ﺯﻣﺮﻱ ﺩ ﺍﺗﻪ ﻭﯾﺸﺘﻢ ﺩګټﻮﻧﮑﻲ ﺯﻣﺮﻱ ﺑﺮﻡ ﺍﻭ ﺗﺎﺭﯾﺦ ﺑﯿﺎ ﮊﻭﻧﺪﯼ ﺍﻭ ﺭﺍ ﺗﺎﺯﻩ ﮐړﻱ.
ﭘﻪ ﻫﻤﺪﯤ ﻫﯿﻠﻪ
