فراه: ترافيکي پېښه کې ۱۵ تنو ته مرګ ژوبله اوښتې
(کابل ټکی کام ۱۳۹۶زمری ۲۹): چارواکي وايي، د کندهار- هرات په لويه لاره په يوه ترافيکي پېښه کې پنځلس کسانو ته مرګ ژوبله اوښتې ده.
د فراه ولايت د امنیې قومندانۍ مسئولين وايي، چې پېښه کندهار- هرات په لويه لاره د فراه ولايت د بالابلوک ولسوالۍ د فراه رود په سيمه کې د تونس او فيلډر موټرو د ټکر له امله رامنځته شوې ده.
نوموړی زياتوي، د پېښې ټپيان د سيمې نږدې روغتون ته وړل شوي او په خبره يې چې په مړو شويو کسانو کې يوه ميرمن او نور نارينه دي.
د هغه په وينا، ياده پېښه د موټرچلوونکو د بې احتياطۍ له امله رامنځته شوې ده.
ډیری وخت په هېواد کې د موټرو د ټکر له امله ترافيکي پېښې کېږي، چې چارواکي يې لامل د سړکونو خرابوالی او د موټر چلوونکو بې احتیاطي په ګوته کوي.
