(کابل ټکی کام ۱۳۹۶زمری ۳۰ فریدافغان)
راپورونه وایي چې د افریقایي هیواد سیرالیون کې توندو سیلابونو او د ځمکې ښوویدلو تر ۵۰۰ ډیر کسان وژلي دي.
چارواکو ویلي چې هڅه کوي چې خلک له خاورو او خټو را وباسي.
د افریقایي رسنیو له قوله ویل شوي چې تېره دوشنبه د غره يوه ډډه تر درنو بارانونو وروسته ونړېده، چې د ريجينټ په نامه ښارګوټي ځينې برخې يې لاندې کړې.
تیره جمعه د سرې میاشتې چارواکو وویل چې شااو خوا ٦٠٠ کسان لا هم ورک دي
باید وویل شي چې د کانګو جمهوريت کې تېره اوونۍ د ځمکې ښويېدو تر ٢٠٠ ډېر کسان وژلي وو.
سیرالیون د افريقا په لوېديځ کې تر ټولو بېوزله هېواد دی او د توندو سیلابونو او سختو بارانونو له کبله هر کال پکې زرګونه وګړي د مرګ تر کومې رسیږي
