مالي: پر هوټل برید کې ۱ اسرائيلی او ۶ روسان هم وژل شوي دي

کابل ټکی کام ۰۱لېندۍ/۱۳۹۴

قدرت الله حسین

راپورونه وایي، چې د مالي هېواد په پلازمېنه باماکو کې کې د راډيسون بلو په نامه پر يوه هوټل د سخت دريځو په بريد کې يو اسرائيلی او ۶ روسان هم وژل شوي دي.

اسرائيلي چارواکي وايي، چې دغه بريد چې وړمه ورځ شوی و يو ۶۰ کلن اسرائيلی يې وژلی دی، د چارواکو په وينا نوموړی په تعليمي ډګر کې د افريقايي دولت د حکومت سلاکار و.

د روسي د بهرنيو چارو وزارت هم ويلي دي، چې د راډيسون بلو هوټل په بريد کې يې ۶ هېوادوال وژل شوي دي.

وزارت ويلي و، چې د ۱۳ نورو وژل شويو تر څنګ ۶ تنه روسان هم وژل شوي، چې ۶ نور بيا ژغورل شوي دي.

د المرابطون په نامه يوې سخت دريځې ډلې د دغه بريد پړه پر غاړه اخستې ده، چې ټول په کې ۲۱ تنه وژل شوي دي.