سوريه: روسي ځواکونو امريکايي عسکر بمبار کړي
(کابل ټکی کام ۱۳۹۶وږی ۲۸): د سي ان ان انټرنيشل د خبر له مخې د روسيې هوايي ځواکونو په سوريه کې امريکايي عسکر بمبار کړي دي.
په راپور کې راغلي، چې روسي جنګي الوتکو د تېرې شنبې په ورځ داعش ډلې ته نږدې په هغه سيمه بمبار کړی، چې امريکايي ځواکونه ميشت و.
د سرچينې په وينا، په دې پېښه کې يو شمير امریکايي ځواکونه ټپيان شوي، خو د کره شميرو په اړه يې څه نه دي ويل شوي خو وايي چې ټپي شوي سرتيري د درملنې لاندې دي.
امريکايي چارواکي وايي، په دې باور دي چې د روسي هوايي ځواک دغه بريد قصدي نه دی شوی، خو زياتوي چې په دې اړه يې څېړنې پيل کړي دي.
