هندوستان: د درنې چاودنې له امله لسګونو کسانو ته مرګ ژوبله واوښته
(کابل ټکی کام ۱۳۹۶ لړم ۱۲ فرید افغان)
راپورونه وایي چې د هندوستان په شمال کې د اتراپردیش آیالت د اټومي انرژۍ د بریښنا په مرکز کې چاودنې لسګونو تنو ته مرګ ژوبله اړولې .
چارواکو ویلي چې یاده چاودنه د سخت حرارت له کبله رامنځته شوې ده .
هندي چارواکو ویلي؛ چاودنه داسې مهال رامنځته شوې چې په یاده اتومي بټۍ کې سلګونه تنه کارګران په کار بوخت و .
چارواکو ویلي چې په چاودنه کې شاوخوا ۲۵ تنه وژل شوي او تر ۱۰۰ ډیر ټپیان دي چې د ډیرو حالت نازک ښودل شوی دی.
هندي چارواکي وایي؛ په وژل شویو کې د یاد اتومي مرکز ۳ تنه کارکونکي هم وژل شوي دي.
د هغه روغتون مشر چې د چاودنې قربانیان ور وړل شوي رسنیو ته ویلي چې قربانیان ټول سوځیدلي او شیبه په شیبه د مړو شمیره په زیاتیدو ده.
د هندي چارواکو په خبره؛ چاودنه په یوه بیلر کې رامنځ ته شوې ده چې شاوخوا ۶ میاشتې وړاندې په یاد مرکز کې نصب شوی و.
چارواکي وایي چې د پیښې علت تر اوسه نامعلوم دی خو دوی یې په هکله څیړنې پیل کړې دي.
یاد ستیشن ۵۰۰ واټه بریښنا تولیدوله چې تیره ورځ چاودنې یې ټول فعالیتونه ودرول.
