مصر: د وروستي برید دقربانیانو شمیره لوړه شوې ده
(کابل ټکی کام ۱۳۹۶ لیندۍ ۴ فریدافغان)
مصري رسنۍ وایي چې د تیرې ورځې په برید کې د وژل شویو کسانو شمیر ۲۳۵ تنو ته رسیدلی دی.
تیره ورځ د مصر د شمالي سیمې سینا د ‹‹بئرالعابد›› په نامه یوه جومات کې څو وسلوالو بریدګرو هغه مهال ډزې او د لاسي بمونو ګذارونه پیل کړل چې خلک له جومات نه راوتل.
د برید پر مهال په جومات کې ۵۰۰ تنه لمونځ کونکي موجود و چې له ډلې یې ۲۳۵ تنه وژل شوي او ۱۳۰ تنه نور ټپیان دي.
له برید وروسته د مصر ولسمشر عبدالفتاح السیسي د امنیتي ځواکونو بیړنۍ غونډه راوغوښته او ژمنه یې وکړه چې له بریدګرو به غچ اخلي .
د دمصر ‹‹المیادین›› د ورځپاڼې له راپور سره سم د مصر نظامي ځواکونو اوسمهال د سینا په سیمه لوی عملیات پیل کړي دي.
مصري حکومت په هیواد کې درۍ ورځې ملي ماتم اعلان کړی دی
