فارياب کې د تېلو ټانکر سره د موټر ټکر څلور تنه وژلي
(کابل ټکی کام، ۱۳۹۶، مرغومی ۳) د فارياب ولايت په خان چارباغ ولسوالۍ کې د تېلو ټانکر او کرولا موټر د ټکر له کبله څلور کسانو خپل ژوند له لاسه ورکړی دی.
د خان چهارباغ امنيه قوماندان خدايداد وايي، پرون ماذيګر ناوخته د يادې ولسوالۍ مربوط د اندخوی او مزارشريف په لاره د کرولا او د تېلو د ټانکر موټر ټکر وکړ، په ترڅ کې يې د تېلو ټانکر اور واخيست او څلور تنه پکې وسوځېدل چې خپل ژوند يې له لاسه ورکړ.
نوموړی وايي، دغه پېښه د تېلو د ټانکر موټر چلوونکي د بې احتياطۍ له کبله رامنځته شوې ده.
په هېواد کې د موټر چلوونکو بې احتياطي، د ترافيکي قوانينو نه مراعاتو، د سړکونو خرابوالی هغه لاملونه دي،چې له کبله ترافیکي پېښې رامنځته کېږي او هېوادوال پکې خپل ژوند له لاسه ورکوي.
