لیکنه: خالد وزیروال
کله چې یو څوک په یوه نوم او یوه اصطلاح مشهوریږي نو هغه نوم یا دده خوښ او یا ناخوښ وي ،د هغې نوم یا اصطلاح ترشاه یو راز او یوه کیسه پټه وي کوم چې دخلکو له لورې دیوه کس د تشویقولو او یاهم تنګولو په خاطر ده ته ورکوي او دا نوم دده په حرکاتو، سکناتو او یا هم په څېره دلالت کوي .
نانا په پښتو ډبلینګونو کې یو دیوه تن نوم دی چې دې هندي اداکار ته دعجبو کردارونو په پایله کې ورکول شوی، او اوس یې په پښتنو کې په نانا شهرت موندلی.
په ډبلینګ کې لیدل کیږي چې نانا په یوه جمله (ولامبه) باندې زیات غوسه کیږي او کارونکو ته یې سمارټ کنځل کوي.
نانا ددې جملې په اوریدو د خلکو سپېګمو ته دانګي او نوي ــ نوي ډایلاکونه ورته اوروي ،او څومره چې پرې دا غوسه کیږي همدومره یې خلک نور هم ورته یادوي .
خو نانا په دې پیلډ کې یواځې نه دی، دنانا پل ډېرو خلکو تعقیب کړی او ډېری خلک به مو لیدلي وي چې په ځینو نومونو او جملو سخت غوسه کیږي،خلک چې یې ورته واخلي نو دی ښکنځل ورته کوي ،جنګونه او لانجې کوي او آن که وس یې ورسيږي ډېر څه کوي، دهغه خلکو له جملې یو هم جنرال عبدالرازق دی ،کوم چې دنانا پل په ډېر دقت تعقیبوي او خلک پردې تهدیدوي چې لغړی دې ورته نه وایي.
جنرال صیب په دې اړه ورنټ جاري کړی چې هرڅوک ماته لغړی وایي باید ونیول شي .
دنانا په څېر خلک به مو ډېر لیدلي وي ، له هغوی سره زور نشته او زیات شمېر یې غریب هم وي خو له جنرال صیب سره بیا زور هم شته او دولت هم، ددې نوم ورکونکي که ونیسي نو دده د وینا له مخې به سخته سزا وویني.
جنرال صیب دا فرمان په داسې حال کې صادروي چې نوموړي ته په سوشل میډیا کې د لغړي نوم په زیاته کچه کارول کیدو .
سربېره پردې چې نوموړي ددې نوم په یادولو خلک تهدید کړي خو بیا هم ددغه نوم دیادولو کچه راټیټه شوې نه ده او د ځینو څېړنو او کتنو له مخې ددې نوم د یادونکو شمېر زیات شوی.
