(کابل تکی کام ۱۳۹۶سلواغه ۲۶ فرید افغان)
په افغانستان کې میشتو ناټو ځواکونو امریکایي ولس ته د طالبانو د وروستی وړاندې شوي لیک په اړه، چې په خپل حکومت فشار راوړي ترڅو له افغانستان څخه لښکرې وباسي غبرګون ښودلی.
په افغانستان کې میشتو ځواکونه سره له دې چې د امریکایي ولس استازیتوب نه کوي خو د طالبانو لیک ته یې د امریکایانو له ادرسه منفي ځواب ورکړی او په یوه خبرپاڼه کې یې ویلي چې دوی اماده نه دي له هغې ډلې سره چې پر دوی حملې کوي او د دوی اهداف زیانمنوي سوله وکړي.
خبرپاڼه کې راغلي چې هوډ لري له ټول زور څخه په استفادې سره دا ډله وځپي.
ناټو ویلي چې دوی د اوږدمهال لپاره په افغانستان کې دپاتې کیدلو امید لري او تر هغو به دلته وي ترڅو یې چې ګټې تامین شوې نه وي.
طالبانو امریکایي ولس ته به یو اوږد لیک کې ویلي چې پر خپل حکومت دې فشار راوړي ترڅو اشغال ختم او افغانان خپلې مخې ته پریږدي او که همداسې جګړو ته یې لا دوام ورکړ د افغانستان ملت به یې پر وړاندي له هرې وسیلې کار واخلي.
د یادونې وړ ده چې پخواني ولسمشر حامد کرزي واشنګټن پوسټ ته ویلي امریکا یوازې د څو بې وسلې طالبانو لپاره په افغانستان کې حضور نه لري، بلکې په سیمه کې د خپلو سترو رقیبانو لپاره اډې جوړوي او طالبان هسې یوه سنبولیکه بهانه ده
