لیکنه : عبدالله عزام
مونږ خو له ډېر وخت څخه د امن او د سولې لپاره ژمن او غوښتونکې یو، په ګران هيواد کې مو امن او سوله وه خو اشغالګرو د اشغال په قیمت رانه امن اوسوله دواړه وړي.
او بیا یې راته تل د دروغو او افواهاتو له ګردي میز څخه د سولې غوښتنه کړي چې راشئ ، سولې ته ژمن شئ او سوله وکړئ خو په حقیقت کې امن او سوله همدوی راڅخه وړي او په افغانستان کې سوله او امن نه غواړي.
او کومه جګړه مو چې شروع کړې دا صرف د امن او د سولې لپاره ده ،
سوله او امن راوستل تش په دروغجنو افواهاتو نه کیږی، سوله او امن راوستل قربانی غواړي،
له نن ۲۴ کاله مخکي کله چې د ګران وطن حالات مخ په وحشت او مخ په بربریت روان ول هلته مو هم الحمد الله د سولې او امن لپاره نه هرېدونکې قربانۍ ورکړې او لا به د سولې او امن راوستلو لپاره قرباني ورکوو،
نو اوس به معلوميږي چې سولې او امن ته څوک ژمن دي او سوله څوک کوي اوسوله څوک غواړي؟
د امریکا د نوي ولسمشر د ټرمپ له راتګ سره د تېر په شان یو ځل بیا جګړئيزه ستراتیژي بدله او مخ پر وړاندې روانه کړي، دا په داسې حال کې چې امریکا له تېرو اوولسو کلونو راپه دېخوا افغان جګړه کې ښکېل ده چې تراوسه پورې یې بری نه دی موندلی، بلکی ورځ تر بلی د ناکامۍ په لوري روانه ده، د خپلې ناکامۍ اعتراف یې نظامي جنرالانو او سیاسي کارپوهانو او د امریکا پخواني ولسمشر بارک اوباما پخپله کړې وه چې په افغانستان کې مو ماته خوړلې ده او د پوځيانو شتون به مو په افغانستان کې د امریکا لپاره په خورا زیان تمام شي.
دا خبره د یادوني وړ ګڼم چې څه وخت مخکې طالبانو د امریکا ولس او د کانګریس غړیو ته په یوه سرخلاصي لیک کې واضحه کړې چې جګړه زموږ انتخاب نه دی؛ بلکې په موږ تپل شوې، پرون ورځ یو ځل بیا د طالبانو د سیاسي دفتر څخه په خپره شوې خبرپاڼه کې پر امریکايي چارواکو غږ شوی چې د افغانستان د مسئلې د سوله ییز حل لپاره د طالبانو د سیاسي دفتر سره په اړیکه کې شي’ مونږ همېش درښتني سولې او امن راوستلو غوښتنه کړي ده او لابه یې غوښتنه کوو.
نو اوس دلته ډېرې پوښتنې رامنځ ته کیږی او دا پوښتني د ټولو افغانانو په ذهنونوکې راڅرخېږي:
هغه دا چې آیا ریښتیا هم امریکا سوله په ریښتوني ډول غواړي؟
آیا دامریکا یرغل هم د سولې لپاره شوي؟
آیا امریکا چې کوم مصارف په خپلو پوځيانو او لاسپوڅي نظام باندې کړی دا هم د سولې لپاره؟
آیا امریکا ته خپلي ګټي مهمې دي او که د افغانانو لپاره سوله ؟
خو زه وایم چې نه ، امریکا هيڅ هم د سولې او امن لپاره نه دي کړي، کوم مصارف یې چې په خپلو پوځيانو او په خپلو لاسپوڅو کړي او کومې قربانۍ یې چې ورکړی دا یې صرف د خپلو شومو اهدافو لپاره کړي اوبس.
نو مقصودي خبره دا ده چې سوله د ټولو افغانانو سړو، ښځو، کوچنیانو، ځوانانو او بوډاګانو امید او آرزو ده.
نواوس خو طالبانو د رښتني سولې وړاندیز ورته کړی، ګوروبه چې څوک افغانستان کې سوله او امن رامنځته کول غواړي، طالبان او که امریکایان؟
