(کابل ټکی کام، ۱۳۹۶، کب ۲۶) امنيتي چارواکي وايي، نن سهار د کابل ښار نهمې حوزې اړوند سيمه کې موټربم چاودنې مرګ ژوبله اړولې ده.
د کورنيو چارو وزارت د وياند مرستيال نصرت رحيمي رسنيو ته ويلي، دغه چاودنه د فراډو موټر په واسطه نن سهار د نهه بجو په شاوخوا رامنځته شوې ده.
د رحيمي په خبره، حمله کوونکي غوښتل چې خپل موټر د بهرنيو ځواکونو مرکز ته داخل کړي او بيا چاودنه ورکړي.
دغه راز د کابل د پوليسو وياند بصير مجاهد وايي، چاودنه کې ۳ ملکي وګړي وژل شوي او ۲ نور ټپيان دي.
روغتيايي مسئولینو د څلور تنو د ټپي کېدو خبر ورکړی خو اريانا نيوز ته يوې سرچينې ويلي چاودنه کې دوه وژل شوي او يو شمير نور ټپيان دي.
د چاودنې مسئوليت تر دې دمه چا په غاړه نه دی اخيستی.
تر اوسه په دې اړه نور جزيات نه دي ورکړل شوي.
