د سوريې جګړه تر عراق کابو ۱۱ کاله وروسته شروع شوه، چې د عراق د جګړې پرمهال چا د سور يې د جګړې او په افغانستان کې دروانې جګړې پرمهال چا دعراق دجګړې سوچ هم نه کاوه. د تېرو څو مياشتو په دوران کې د سور يې جګړې دعراق او افغانستان په دواړو هېوادونو کې د روانو جګړو څخه زيات زور موندلی دی ، چې په سوريه کې څومره کسان د ورځې او اونۍ په دوران کې ووژل کېږي ، ميډيا د هغې پوره او کره راپورونه رسينو ته نه سپاري او نه خبريالان د جګړو سېموته ورتلای شي. خو د هرې ورځې پېښې او د سوريې څخه اروپايي او ګاونډيو هېوادونو ته پنا اخيستونکو څخه دا څرګندېږي ، چې تر سوريې نه په کوم هېواد کې زياته جګړه شته او نه کډوال، خو د روانې اونۍ راپه دې خوا په سوريه کې د کورنۍ جګړې لوری د نړيوال کېدو خواته بدل شوی دی. په افغانستان کې د امريکا د اشغال را پدېخوا او هم د روسانو د اشغال پرمهال تردواړو هېوادونو خپل خپل پوځونه د يرغل په اراده رالېږلي وو؛ خو د نړيوالې جګړې نظامي لوری يې څرګند و. لومړی د روسانو پوځونو په افغانستان کې د ولس څخه جوړ جهادي سنګرونو باندې بمبارۍ کوله اوس يې د امريکا په مشرۍ د ناټو هوايي ځواکونه لوری چې د واړو اشغالګرو هېوادونو د افغان ولس بې ګناه مسلمانان وژل. که د افغانستان د جګړې د سياسي حل مسئله نړيواله شوه ؛ خو د دواړو اشغالګرو پرمهال جګړه ييز لوری يې نړيوال شوی نه دی ، د عراق همدا حال دی . په عراق کې امريکايي پوځونه خپل وحشت د جګړو او بمباريو علاوه چې بې ګناه مسلمانان يې پکې شهيدان کړل په ابوغريب زندان کې يې پر زندانيانو هم ښکاره ظلم وکړ؛ خو دعراق جګړې نړيوال لوری ونه موند. اوس چې په سوريه کې ايران او سوريه د بشارالاسد د نظام پلوي کوي ايران په ګوندي لحاظ د وسله والو سره مرسته کوي د خپل راتلونکي اندېښنې په لرلو سره چې د داعش لمن تر ايرانه خوره شي ، د داعش په خلاف هر اړخيزه مرسته کوي او روسيه د داعش پرخلاف چې مرکزي اسيا کې د داعش وسله وال مرکزيت پيدا نکړي. په سوريه کې د داعش پرمرکزونو بمباري کوي يوه جنګي الوتکه يې د ترکيې لخوا په ويشتلو د لاسه هم ورکړه . امريکا ، چې ځينې د امريکا ترسوري لاندې عربي هېوادونه هم ورسره ملګري دي په روسيه کې د بشارالاسد د دولت پرخلاف د داعش يې وسلوال کړي او ترآخره حده کوښښ کوي چې د داعش ډلې په وسيله د اسد حکومت نسکور کړي.
تېره ورځ د امريکا جيټ الوتکو په لومړي ځل په سوريه کې بمباري وکړه ۲۶ ولسي وګړي يې پکې ووژل، که څه هم امريکا يې انکار کړی ، خو نړيوال راپورونه يې تائيدوي ، چې بمباري د امريکا هوايي ځواکونو کړېده او د سوريې د شر د حقوقو سازمان چې مرکز يې په برتانيا کې دی انديښنه يې ښودلې ، چې د روسيې او امريکا د ټلوالو ځواکونو په بمباريو به د سوريې جګړه نړيواله شي چې له عراق او افغانستانه به يې مهارول ګران وي.
