د ملا محمد رسول دوه پلوي قومندانان ووژل شول

کابل ټکی کام ۲۰لېندۍ/۱۳۹۴، احمدالله مهاجر
په ترلاسه شویو خبرونو کې ویل شوي دي چې د ملا رسول دوه قومندانان له طالبانو سره په یوه پېښه کې وژل شوي دي.
یاد دوه قومندانان هر یو ملا ظریف او ملا تور جان چې د محمد رسول د ډلې دوه مهم قومندانان ول.
خبر وایي، ملا رسول چې دا مهال په شینډنډ کې دی د هرات ولایت لپاره یې ملا ننګیالی والی ټاکلی وو، چې همدې ولایت ته روان وو، او د طالبانو له یوه چریکي کمین سره مخ شول.
داسې ویل کیږي چې ملارسول د طالبانو په وړاندې په جګړه کې له اربکیانو او دولتي چارواکو سره یوځای شوی دی.
د یادونې وړ ده، کله چې د طالبانو پخوانی مشر ملا محمد عمر اخوند وفات شو نو د هغه د وصیت سره سم علماوو ملا اختر محمد منصور اخوند خپل مشر وټاکو، او د بیعت لپاره یې خلک را وبلل، خو ملا رسول او ملا عبدالمنان نیازي  یې په څرګند ډول مخالفت وکړ.