د پاکستان لمړی وزیر نواز شریف ترکمنستان ته ورسید
کابل ټکی کام فرید احمد
د پاکستان لمړی وزیر محمد نواز شریف په یوه درې ورځني سفر د ترکمنستان هیواد پلازمينې عشق اباد ته ورسید.
ښاغلی شریف به هلته په ترکمنستان کې د کامل بې پلوي توب نړیوال کنفرانس کې د ګډون برسیره د کوربه هیواد ولسمشر قربان علي سره لیده کاته وکړي او د سیمې په حالاتو به ورسره خبرې وکړي.
د پاکستان د بهرنیو چارو وزارت لخوا ددغه سفر موخه د دواړو هیوادونو ترمنځ تجارتي پراختیا او د سیمې د حالاتو جاج اخیستنه اعلان شوې ده.
ښاغلی شریف به هلته د ګاونډیو ملکونو د مشرانو سره هم لیده کاته او په یو لړ مسائلو به ورسره خبرې وکړي.
