حاجی حمید الله
د سیکولرزم معنا ده (دنیوي) بله معنایې ده (بې دیني) کله چې د فرانسي خلک داهل کتابو د علماؤو له ظلمونو او ځان پرستیو څخه په تنګ شول نو د هغوی په مقابل کې یې قیام (پاڅون) وکړ، بیا یې دخپل تنظیم لپاره (سیکولره بې دیني) نوم غوره کړ، دوی به ویل موږ دین نه منو صرف دنیا منو برطانوي دائرة المعارف لیکلې سیکولرزم یو اجتماعي تنظیم دي چې د خلکو توجه د اخرت څخه د دنیا په لور اړوي، یو سائنس پوه (ويستر) وایې چې سیکولرزم د عبادت یو شکل هم نه مني معجم دولې لیکلي چې سیکولرزم هغه نظام دي چې دین ته بالکل په حکومت کې د مداخلې اجازه نه ورکوي، د زیات تفصیل (غزوه فکري کتاب وګورئ) ځینې سیکولرستان بیا د الله تعالی وجود مني، خو د (داریون) نظریه هم ورسره مني چې انسان په اصل کې جراثیم وو، بیا ترې شادي جوړشو بیا دزماني په تېريدو سره انسان ترې جوړ شو نو دوی وایې انسان ته باید هم د الله تعالی حق ورکړل شي او هم د حیوانیت حق هغه داسي چې دوی په انفرادي شکل عبادت کولو ته ازاد دي لکه لمونځ روژه زکاة او حج خو په نورو ټولنیزو قوانینو کې بیا انسان یو عام حیوان بولي چې څه یې خوښه شي باید هغه وکړي دوی، باور لري چې د انسان چې څه خوښه شي هغه یې حق دي او او باید وي کړی
دسیکولرزم د اصولو له مخي په پنځو شیانو کې دین د هیچ ډول مداخلې حق نه لري
اول: سیاست او حکومت کې
دویم: اقتصاد او تجارت کې
دریم: تعلیم او تعلم کې
چارمي: اجتماعي او اخلاقي ژوند کې
پنځم: ادب او فن کې
اوس موږ کولای شو په اسانۍ سره پوه شو چې سیکولرزم څه غواړي او ټولنه کومې خواته بیایې ځکه له پورته پنځو شیانو څخه چې دین لري کړی بیا دین په کومه برخه کې پاتې شو؟
هو دین یواځي په مسجد په کور، دننه هغه هم چې دکور دبل غړي ازادي ته مزاحمت ونه کړی او په خانقا کې پاتې شو، نور دین له ټولنې څخه حذف شو العیاذ بالله د افغانستان مسلمان ملت، باید متوجه ووسي که سیکولرزم ته درشد او ودې اجازه ورکړل شي، له ټولو معنوياتو به محروم او ټولنه به دکفر په لومه کې په ټولنیز ډول ونښتلې
