د المان زودویچه ورځپاڼې خبر تر لاسه کړی چې د انجیلا میرکل حکومت په ملګرو ملتو، اروپایی ټولنې، او ائتلافی هیوادونو کې دا تحریک پیل کړی چې باید د سوریې رژیم دهغه قانون د تطبیق مخه ونیول شي چې په اساس یې په بهرنیو هیوادونو کې د یو زیات شمیر میشتو سوریایی مهاجرینو او په داخل کې د بې ځایه شویو کډوالو اراضي په پراخه پیمانه مصادره کیږي.
ورځپاڼې په خپله نننۍ خپره شوې شماره کې یادوه کړې چې برلین د سوریې د مشر اسد د یاد قانون چې د روانې میاشتې په پیل کې یې صادر کړی په اړه سخته اندیښنه څرګنده کړې، چې د جګړې پر مهال د ویجاړو شویو ځمکو او هغو ځمکو څښتنانو ته یې د راتلونکې مۍ میاشتې تر لسمې نیټې خبر ورکړی چې که ځمکې یې په املاکو کې ثبت نشي رژی به یې مصادره کړي.
زودویچه ورځپانې د المان د بهرینو چارو وزارت په قول خبر خپور کړې چې د اسد رژیم موخه له دې قانون نه یو لړ نماشي اجراءات دی، څو اوضاع د ځان په ګټه وڅرخوي، او یو زیات شمیر هغه مهاجرین خپل کنډواله هیواد ته په بیرته راګرځیدو مجبور کړی چې د دې قانون غوښتنو ته ځواب نه لري.
د المان د بهرنیو چارو وزارت ویاند یادې ورځپانې ته ویلي دی چی برلین د سوریې په اړه په هغو مباحثو کې چې د تیرې پنجشنبې په ماښام په فرانسي پلازینه پاریس کې د المان د بهرنیو چارو وزیر هایکو ماس په ګډون چې له خپلو امریکایی، برتانوي، فرنسوي اردني او سعودي سیالانو سره یې پیل کړی خپلې هڅې پیل کړي څو د دغه کرغیړن پلان مخه ونیسي.
ویاند ویلې چې باید المان د ملګرو ملتو او دمشق له مؤتلفینو چې په سر کې یې روسیه ده غوښتنه وکړې څو د دغه قانون مخه ونیسي چې د زیات شیر هغو مهاجرینو ځمکې مصادره کوي چې په تیرو څو کلونو کې یې سخت کړاوونه لیدلي، او کیدای شي یوه ورځ بیرته خپل طبیعی ژوند ته راوګرځی.
د المان حکومت توقع څرګنده کړه چې د سوریې مشر د دغه قانون پر تطبیق به پر ۵.۵ ملیونه مجبورو سوریایی مهاجرینو چې په پردیو هیوادونو کې میشت شوي ناوړه بدې اغیزې ولري چې یو کوربه هیواد المان هم دی، او ۶ ملیونه نور مهاجرینو د سوریې په داخل کې په بدل حالت ژوند تیروي، برلین دې ته اشاره کړې چې هغه زیات شمیر سوریایان چې د رژیم له منګولو په تیښته مجبور شوي هیڅ امکان نه لري چې د اسد رژیم دغه قانون دې پرې تطبیق شي او هغه ځمکې دې یې ضبط شي چې دوی له مجبوریته پریښي دي.
المان همدا اوس د نیم ملیون سوریایی مهاجرینو کوربه دی، او دغه قانون به دوی ته یو بل ټکان ورکړی او د خپل راتلونکي په اړه به یې لا شکمن اومایوس کړي.
سوریه د سختو نظامي عملیاتو له کبله د ډیری جلا وطنۍ او مهاجرت شاهده ده چې د رژیم او هم د وسله والو مخالفینو له تعرض او کلابندۍ وروسته مهاجرت او کډوالۍ ته اړ شوي دي.
د الجزیرة نه په مننې
عزیر اسدخیل
