زابل: د شاه جوی ولسوالۍ پر امنيه قومندان سرتيری برید شوی
(کابل ټکی کام، ۱۳۹۷، غویی ۹) د زابل ولايت سيمه ييز چارواکي وايي، چې د شاه جوی ولسوالۍ د امنيې قومندان پر موټريز کاروان سرتيری برید شوی دی.
امنيتي مسئولین وايي، نن غرمه مهال د شاه جوی د امنيې قومندان عبدالعزيز توخي له موټر سره نږدې يوه سرتيري بریدګر په خپل موټرسيکل پورې تړلو چاودېدونکو توکو ته چاودنه ورکړې او نوموړی پکې سخت ټپي شوی دی.
د شاه جوی ولسوال وزير محمد جوادي پېښه تاييدوي وايي، په دې چاودنه کې د ولسوالۍ امنيه قومندان، د امنيت آمر او دوه ساتونکي يې ستخت ټپيان دي.
تر اوسه د چاودنې مسئوليت چا په غاړه نه دی اخيستی خو د يادې ولسوالۍ په زياته برخه خاوره وسله وال طالبان فعالیت کوي او وخت ناوخت په دولتي چارواکو او منسوبين وسله وال بریدونه او چاودنې ترسره کوي.
