(کابل ټکی کام ۱۳۹۷ غویی ۱۲)
د بدخشان ځایي چارواکو بیګاه ناوخته خبر ورکړ چې طالبانو تیره شپه شاوخوا ۱۰ بجې د بدخشا د کوهستان ولسوالۍ په اړوندو پوستو او امنیې قوماندانۍ همهاله بریدونه پیل کړي.
طالب ویاند ذبیح الله مجاهد پر خپله ټویټر پاڼه لیکلي چې نن سهار یې د دې ولسوالۍ د امنیې قوماندانۍ له ګڼو پوستو سره یوځای نیولې
نوموړي ویلي چې په دې بریدونو کې یې ګڼو امنیتي ځواکونو ته مرګ ژوبله اړولې او په خبره یې د ولسوالۍ پر مرکز لا هم سخته جګړه روانه ده.
مجاهد ویلي چې په دې بریدونو کې یې ګڼ شمیر مهمات لاس ته ورغلي.
د بدخشان ځایي چارواکو تر اوسه د امنیې قوماندانۍ د سقوط په تړاو څه نه دي ویلي خو زیاته کړې ې ده چې که له مرکز څخه تر غرمې پورې مرستندوی ځواکونه ور ونه رسیږي ولسوالۍ به سقوط وکړي
