(کابل ټکی کام ۱۳۹۷ غبرګولی ۱)
په افغانستان کې د طالبانو له پرمختګونو سره همهاله امریکایي چارواکو د خپلو ځواکونو په قومانده کې تغیر راوستلی او پخوانی قوماندان جنرال نیکولسن یې له دندې پرزولی دی.
که څه هم ټرمپ له لومړي سره د نیکولسن لرې کیدل غوښتل خو د دیموکراتانو ټینګار ،ټرمپ دې اړ کړ چې دهغه په هکله کومه څرګنده پریکړه ونه شي.
امریکایي ورځپاڼې «وال استریت ژورنال» د چارواکو له قوله خبر ورکړی چې جنرال «اسکات میلر» د امریکایي ځانګړو ځواکونو له دوه کلنې قوماندې وروسته د نیکولسن پرځای ټاکل شوی خو پنټاګون ویلي چې تر هغو چې یې رسمي نوی جنرال نوي معرفي کړی په دې تړاو له څه ویلو ډډه کوي.
پر افغانستان د امریکا تر یرغل وروسته دا نهم امریکایي جنرال ده چې د افغان جګړې قومانده په غاړه اخلي.
میلر په عراق ،افغانستان او سومالیا کې مهمې دندې ترسره کړې او د امریکا د هوایي،سمندري او ځانګړو ځواکونو مشر هم پاتې شوی دی.
نیکولسن په ختیځو او یو شمیر شمالي ولایاتو کې د داعش ډلې په همکاري هم تورن و.
