(کابل ټکی کام، ۱۳۹۷، غبرګولی ۶) د ورکړل شويو راپورونو پر اساس، د خراب امنيتي وضعيت له کبله ځيني شمالي ولايتونو ته انتخاباتي مواد نه دي رسېدلي چې نږدې ۲۶۰ د نومليکنې مرکزونه تړل شوي دي.
هغه معلومات چې د ټاکنو خپلواک کمېسيون رسنيو ته ورکړي پکې راغلي چې په بلخ، سمنګان، سرپل، جوزجان، کندوز او تخار هغه ولايتونه دي چې د نوم ليکنې ۱۵۷ مرکزونه تړل شوي دي.
د سرچينې په وينا، له دې جملې ديارلس مرکزونه په بلخ، دولس په سمنګان، څلوردېرش په سرپل، پنځلس په جوزجان، اته شپيته په کندوز او پنځلس په تخار کې دي.
په کندوز کې د انتخاباتو د کمېسيون مسوول محمد رسول عمر وايي، له ۲۲۰ مرکزونو څخه ۶۸ تړلي دي زياتوي د دغه ولايت په اقتاش، کلباد، ګل تپه او چهاردره کې بيخي مرکزونه وجود نه لري.
د هېواد په شمال کې مسئولين وايي، چې ډيری شمالي ولايتونو کې مرکزونه د لوړ امنيتي ګواښ لاندې دي او په وقفه يي ډول خپل کار مخته وړي.
د معلوماتو له مخې، د نومليکنې له پيل راهيسې په يادو شپږو ولايتونو کې يواځې ۳۵۶ زره کسانو نومليکنه کړې چې د هغې له جملې ۱۴۹ يې مېرمنې دي.
تر دې مخکې د انتخاباتو کمېسيون مرستيالې وسيمې بادغيسي ويلي و چې په ټول هېواد کې د مختلفو دلايلو پر اساس ۱۲۰۰ مرکزونه تړل شوي دي.
