نعمان لطیف
هغه وختونه چې ساعتونه نه ول، خلکو به لمر کتل او چې څنګه به ولوېد خلکو به روژه مات پیل کړ. اما اوس چې دهر چا په لاس کې ساعت دی هر یو د ملا صیب اذان ته غؤږ غؤږ وي
شریعت داسې نه وایي چې په اذان روژه ماته کړئ او په اذان یې ونیسئ؛ شریعت وخت ته اعتبار ورکړی دی
روژه به دصبح صادق تر څرګندېدو دری څلور دقېقې مخکې بندوئ، او د لمر تر پرېوتو څو دقېقې وروسته به یې ماتوئ
که اذان وشي یا ونشي د روژې نیولو او ماتولو وختونه همدغه دي
زموږ ګڼ شمېر مسافر او یا ځوان افغانان په پېشمني کې ناست وي مجلسونه کوي، د اوبو جام یې مخ ته اېښی وي او دې ته انتظار وي چې ملا صیب الله اکبر کړي او دی د اوبو جام په سر واړوي
ځینو خو لا نصوار هم تر ژبې لاندې کړي وي او تر هغو یې نه غورځوي ترڅو ملا صیب اذان ونکړي
دا غلطه ده او دا امکان بیخي زیات دی چې روژه یې فاسده شي؛ اوس علماء کرامو هر څه جؤت کړي دي، حتی تر دې چې دروژه مات او پېشمني وختونو لپاره په هر مسجد کې نقشه ځړېدلي وي او د هر ښار وختونه یې تعین کړي وي
تر دې ورهاخوا دموبایلونه لپاره ځانګړي آپلېکشنونه جوړ شوي دي او د نړۍ د هر ښار دروژه مات او پېشمني وختونه درته څرګندؤي. ان فېسبوک هم اوس تجدد وکړ او دخلاصولو سره سم د روژه مات وخت درته ښیې
وایي کوم چرسي دمازیګر په اذان روژه ماته کړه. چا ورته وویل دا څه کوې، دا د مازیګر اذان دی؟
چرسي ورته خندلي چې خدای که یې د پرون د ماښام له اذان سره ذره فرق راته شوی وي
لهذا هغه افغانان وروڼه چې په دې مغالطه کې لوېدلي چې ګواکې روژه په اذان نېولای کیږي او په اذان ماتیږي، باید خپله غلطي اصلاح کړي، له روژې سره خورا محتاط چلند وکړي او د سهار له اذان حد اقل پنځه دقېقې وړاندې اوبه وڅښي او که نصوار کوي نو نصوار توف کړي
په ځانګړې توګه نصواریان دې اړخ کې خورا متشدد دي او ډېر ځله زه دداسې پېښو عیني شاهد پاته شوی یم چې تر هغو نصوار نه توف کوي ترڅو یې اذان تر غوږو نشي
خدی مه کړه داسې نشي چې په یؤه بې فایدې، تاواني او مضر صحت شي مو فرضي روژه فاسده شي.
