م، نجم الرحمن (فضلي)
د سولې او اوربند په خوشحاليو کې د طالب لخوا يوه بله عجيبه خوشحالونکې خبره هم شوې، د طالب مشر په اختريز پيغام کې مو وليدل چې عسکرو ته يې عجيبه بلنه ورکړې، وروڼه يې بللي، او د همدې ورور ولي لپاره يې يو ډير ساده او د هر عسکر په وس پوره شرط يې ورته وړاندې کړی.
طالب مشر په خپل اختريز پيغام کې ويلي (که عسکر له خارجي عسکرو دفاع ونکړي ورور مې دی) ډيره په زړه پورې، ډيره ګټوره، ډيره خوشحالونکې او له ترحم ډکه جمله ده.
په تيرو وختونو کې هم په خپل وخت عسکرو ته د طالب مشر لخوا همديته ورته بلنې ورکړی شوې، خو دا ځل د تير په پرتله دا بلنه ځکه ډيره په زړه پورې او خوشحالونکې ده چې يو طرفته د سولې او اوربند پريکړه بل طرفته د ورور ولي جوړولو لپاره د دومره ساده او په وس پوره شرط وړاندې کول ډير خوښی بښونکي دي.
زما په فکر د طالب مشر له دې بلنې وروسته عکسر ته او د هغه کورنی ته به کومه بله پلمه (بهانه) پاتې نوي، او هغه څه چې مونږ يې د عسکرو يا د دوی د کورنيو لخوا د پلمې په ډول اورو په لاندې ډول دي :
(۱) له يو شمير عسکرو اوريدل کيږي وايي مونږ مسلمان يو خو د اقتصادي مشکلاتو له وجهې اردو يا پوليسو ته ورغلي يو، له دوی سره به د مسلمانی خبر ومنل شي خو دا خبره چې د اقتصادي مشکلاتو له وجهې هلته ورغلي ځکه د منلو نده چې په هيواد کې په ميليونو هيوادوال اوسي، هغوی چې د نورو خواريو او مزدريو له لارې خپل اقتصادي مشکلات حل کوی شي اردو او پوليسو ته ورغلي ځوانان يې ولې نشي حل کوی.
عسکر جانه ! مټې ستړې کړه، بله خواري مزدوري وکړه، خولې توی کړه، الله تعالی مهربان ذات دی مشکلات به دې حل شي او روزي به دې پراخه کړي.
(۲) او د دوی دا خبره چې مونږ له هيواد څخه دفاع کوو، په روژه داره خوله به قسم درته وکړم چې له طالب سره په جګړه کې نه د هيواد دفاع شته نه له اسلامه دفاع شته، بلکې که يو څوک په دې عقيده ولري چې له طالب سره په جګړه کې له هيواد يا اسلام څخه دفاع ده د شرعي احکامو له مخې يې ايمان په خطر کې دی.
عسکر جانه ! په دې کې شک نشته چې تاسو ته به ډول ډول تبليغات شوي وي، خو که په شرعي احکامو ځان خبر کړی او معلومه کړی چې طالب د څه لپاره جنګيږي کيدی شي خپل ځانته په خپله اطميناني او قناعت بخش ځواب ترلاسه کړی.
که دا درسره ومنم چې له طالب سره جګړه له هيواد څخه دفاع کول دي نو په قسم راته ووايی چې تاسو د خپلې دغې جګړې لپاره کوم شرعي يا عقلي دليل لری؟ که يې ولری بيا طالب ته پکار دي چې له خپلې تګلارې تير او وسله په زمکه کيږدي، بالمقابل طالب د خپلې جګړې لپاره په سلګونو قرآني، نبوي، فقهي او عقلي دلايل لري.
عسکر جانه ! قضاوت په خپله وکړه چې په دې ډول جګړه کوونکو کې کوم طرف ملامت او پړ درته ښکاري چې يو يې بې دليله او بل يې د الهي حکم له مخې کوي، که دې طالب پړ او ملامت وباله بيا خو هغه ته د قناعت ورکولو لپاره له هغوی سره شته دلايلو ته د ځان لخوا دلايل پيدا کړی، او که مو ځان ملامت وباله بيا نو سر له سبا له خپلو دندو تير او د خپل ژوند نورو دنيوي چارو ته مخه وکړی.
(۳) او ستاسو دا خبره چې طالبان د پاکستان خلک دي او پاکستان د افغانانو دښمن دی، زه به بيا د يوه افغان په صفت په ډير تاکيد سره درته ووايم ما چې تر اوسه څومره حالات او مطبوعات څارلي تراوسه مې زړه نده منلې چې پاکستان دې له طالبانو سره دومره نږدې دوستي ولري چې طالب به د ده په خوله افغان وروڼه ووژني، او يا طالبان دومره له اسلام او افغانيت وتلي راته ښکاره شوي وي چې دوی به د بل په خوله خپل مسلمان او افغان وروڼه ووژني.
عسکر جانه ! که له تا سره يې ومنم چې طالبان د پاکستان خلک دي، خو ته هم په ګريوان کې سر ښکته کړه چې تاسو د چا خلک ياست؟.
آيا پاکستان ستاسو تر شا له ولاړو يهودو او نصاری ؤ هم بد دی؟.
آيا پاکستان تراوسه ستاسو تر شا د ولاړو يهودو او نصاری ؤ په څير په ښکاره چيرته د افغانانو په عزت او ناموس تيری کړی؟.
آيا پاکستان تر نن ورځې ستا د ديرش لکو افغاني وروڼو عزت په خپله غيږ کې ندی ساتلی؟.
آيا پاکستان د روسي يرغل په وخت کې ستاسو په ميليونو افغان وروڼو او خويندو ته پناه ورنکړه؟.
آيا پاکستان ستاسو په ميليونو افغان وروڼو ته په خپل هيواد کې هر ډول اسانتياوې برابرې نکړې؟.
آيا په پاکستان کې تر نن ورځې ستاسو افغاني وروڼه هر ډول تجارتونه، دکانونه، موټر چلول، په مکتبونو او مدارسو کې بې له کومې ستونزې، بې له کوم سند لرلو، بې له کوم ټيکس ورکولو دا هر څه نکوي؟.
آيا پاکستان هغه هيواد ندی چې ستاسو د افغاني وروڼو ترڅنګ ستاسو پلرونو، نيکونو، ميندو، خويندو او وروڼو دلته پناه نوه راوړې؟
زما مطلب د پاکستان صفت کول ندي، زما له زړه يو الله خبر دی، خبره د حقيقت ده، او دا يو داسې حقيقت دی چې هيڅوک ترې انکار کولی نشي.
عسکر جانه ! په قسم راته ووايه که له طالب سره د پاکستان ملاتړ وي او له تاسو سره د يهودي، نصراني، امريکا او د څلويښتو نورو کافرانو ملاتړ وي کوم يو به ډير مجرم او ملامت وي؟.
عسکر جانه ! قضاوت په تا، پريکړه او قضاوت په خپله وکړه، د خپل سرنوشت په هکله خپله تصميم ونيسه خو په پای کې در په يادووم چې :
د امريکايانو د راتګ په لومړيو کلونو کې د طالبانو لخوا فدائي بريدونه صرف تر خارجي عسکرو محدود وو، په هغه وخت کې مونږ ندي آوريدلي چې طالبانو دې په داخلي عسکرو کوم فدائي بريد کړی وي.
خو دا مو په ياد دي چې په هغه وخت کې هم طالب درته ويلي وو چې له خارحي عسکرو دفاع مکوی له تاسو سره زمونږ کار نشته.
ډير کلونه يې په دې لار مزل درسره وکړ، خو کله چې ستاسو لخوا مايوسه شول او پوه شول چې تاسو له دې کاره تيريدونکي نه ياست دا ده اوس يې خپل فدائي بريدونه تاسو ته هم متوجه کړي دي.
عسکر جانه ! دا ځل د طالب مشر دې خبرې ته چې درته ويلي دي (که له خارجي عسکرو دفاع ونکړی وروڼه مې ياست) ښه په خلاصه غيږ يې استقبال وکړی، د تير په څير نور د هيچا په خبرو مه غوليږی، خدای مکړه که دا ځل هم په خپلو کړنو ټينګار وکړی کيدی شي په راتلونکي کې د طالب له سختو ګوزارونو سره مخامخ شی.
عسکر جانه ! نور په خپله ځواني او په خپله کورنی رحم وکړه، مور پلار، خويندې، وروڼه او خپل ګلالي ماشومان در په زړه کړه، او د هغې ورځې په غم کې چورت ووهه په کومه ورځ چې ستا بوره مور، کونډه ميرمن، يتيمان ګلالي ماشومان ستا د جنازې له کټه راتاو شوي وي، په تا کرغې وهي او تا له دوی څخه د تل لپاره سترګې پټې کړې وي.
په همدې هيله
