له درې سوو ډېر افغانان له المانه بېرته راستنېږی
کابل ټکی کام قدرت الله حسین
المان کې د افغانستان د سفارت چارواکو ویلي دي، په تېرو درې مياشتو کې سلګونو افغان کډوالو سفارت ته رجوع کړې او غواړي، چې په خپله خوښه بېرته هيواد ته راستانه شی.
المان کې د افغانستان سفير حميد صديق وايي، دوی له هغو افغانانو سره د مرستې لپاره له ټولو شتو امکاناتو کار اخلي چې بېرته هيواد ته ستنېږی.
د سرچينې په وينا په تېرو درو مياشتو کې ۳۷۰ تنو افغانانو سفارت ته مراجعه کړې، چې بېرته هيواد ته ستانه شي، د دغو افغانانو ډېری يې ځوانان دي.
المان کې د افغانستان سفارت دا خبر په داسې حال کې ورکوي، چې څه موده مخکې د المان لومړي وزیر اعلان وکړ، چې د هغو افغان کډوالو ستره برخه به بېرته خپل هيواد ته ستانه کړي، چې په غير قانوني توګه المان ته راغلي دي.
