(کابل ټکی کام، ۱۳۹۷، چنګاښ ۱۶) د افغانستان د بهرنيو چارو وزارت وايي، د کويټ هېواد يو پلاوی به ډير افغانستان ته راشي او ټاکل شوې چې په کابل کې خپل سفارت پرانيزي.
دا څرګندونې د افغانستان د بهرنيو چارو وزارت سياسي مرستيال حکمت خليل کرزي کويټ ته له سفر وروسته کړي دي.
نوموړي د کويټ د بهرنيو چارو له وزير شيخ صباح الخالد او د هغه له مرستيال خالد جارالله سره په کتنه کې د دواړو هېوادونو د اړيکو پر پراختيا او د سيمې پر امینتي وضعيت خبرې کړي دي.
کرزي ويلي، چې کويټي چارواکو ورسره افغانستان کې د روغتيا او زده کړو برخه کې د همکارۍ ژمنې کړي زياتوي په ليدنه کې د سوداګریزو اړيکو، د کانونو برخه کې پر پانګونې او د ګډو همکاريو لپاره د يوه کمېسيون پر جوړېدو ټينګار شوی دی.
نوموړي په افغانستان کې د کويټ سفارت د پرانيستو نیټه نه ده ښودلې خو ويلي دي چې کويټ د اړيکو پراختيا غواړي.
که څه هم د پخواني ولسمشر حامدکرزي د دورې پر مهال هم د کويټ امير صباح الاحمد الجابر الصباح ژمنه کړې وه چې خپل سفارت به په کابل کې پرانيزي خو د کلونو په تېرېدو لا هم هغه هېواد په افغانستان کې رسمي نمايندګي یا سفارت نه لري.
