سعودي کې د تازه نیونو او د نظر بندیانو لپاره ځانګړي ټوېټر حساب “معتقلي الرأي” خبر ورکړی چې سعودي حکومت نور علماء نیولي دي، چې مشهوره څېره یې شيخ علي الغامدي یاد کړی دی.
د ټوېټر نوموړي حساب لیکلي چې د مسجد نبوي پخوانی مدرس او مشهور دیني عالم علي بن سعيد الغامدي او څو نور علماء د سعودي دولت د امنیت ادارې نیولی دی او د نوموړي شیخ عکس یې هم خپور کړی دی.
🔴 تأكد لنا أيضاً أن السلطات قد منعت عن الشيخ علي بن سعيد الحجاج الغامدي اسطوانة الأكسجين عقب اعتقاله، مع أنها تعلم أنه في وضع صحي حرج فهو يعيش فقط بنصف رئة، وهو في بداية العقد السابع من عمره (مواليد 1368 هجري).#جمعة_المعتقلين5 pic.twitter.com/7QSA1NMu2C
— معتقلي الرأي (@m3takl) July 20, 2018
نوموړي حساب یوه ټوېټ کې لیکلي چې شیخ علي الغامدي، د هغه ورور او وکیل او پنځه نور علماء د هغه په کور کې د دولت د امنیت ادارې نیولي دي، دا په داسې حال کې چې نوموړی شیخ سخت ناروغ او د تنفس لپاره د اکسیجن ډبې کاروي.
دا نیونې داسې وخت کې رامنځته کیږي چې تقریبا اوونۍ مخکې سعودي حکومت مشهور شیخ او لیکوال سفر الحوالي هم د سختي ناروغي حالت کې ونیو او نامعلوم لور ته یې یووړ، شیخ سفر الحوالي هغه ته په منسوب کتاب (المسلمون والحضارة الغربیة) ونیول شو چې هغه کتاب کې یې واکمني کورنۍ ته نصيحتونه کړي و.
