درې ورځې وړاندې د ننګرهار ولايت په سره رود ولسوالۍ کې د ولسي وګړو په وينا دوه بهرنيو څرخکو د تروغر سره ناسته کړې ده او د هليکوپترو څخه مشکوک کسان پلي شوي دي.
د دې څرخکو څخه د مشکوکو کسانو د پلي کولو په اړه يوه ويډيو خبره شوې ، چې د يادې ولسوالۍ اوسيدونکو د څرخکو څخه د مشکوکو کسانو پلي کول تائيدکړل .
دا چې په ننګرهار کې بهرنيو څرخي الوتکو مشکوک کسان پلي کړي دي، د ننګرهار ولايت چارواکو په خپلو ويناوکې ګونګ اعتراف کړی او ترټولو زياته د نه زغملو وينا داده چې سره د هوايي ټولو وسايلو په ښکاره توګه د څرخکو د ناستې ناخبري ښکاره کوي، چې د ننګرهار ولس د چارواکو په دې عمل غبرګون ښودلی دی او وايي: که په دې الوتکو د ليدونکو کسانو په وينا بهرني کسان وي خو لازمي ده چې د ننګرهار د بې امنۍ د زياتوالي انتظار دی وايستل شي. د ننګرهار ولس په خپلو چارواکو د بې اعتبارۍ او بې کفايتۍ نظ څرګند کړی ويلي يې دي چې که په تور غر کې بهرني وسواله دتورغر څخه فعاليت پېل کړي د ننګرهار ولس به د يوه داسې ناورين سره مخ شي چې په هېڅ صورت به يې بيا مخه ونه نيول شي.
د ننګرهار په ولايت په شپږو ولسواليو کې دا مهال د نوې راپيدا شوي ډلې داعش وسلوال حضور لري او د ولسي وګړو ژوند يې دومره تريخ کړی دی چې نور خپلو کورنوڅخه کډو کولو ته مجبور شوي دي .د تېرو شپږو مياشتو راپدېخوا په ننګرهار کې داعش حضور پيدا کړی خو تراوسه پورې يې دولت پرېکنده اقدام نه دی کړی، چې ورځ په ورځ به دولت د خپلو نظامي ځواکونو بې اعتباري زياتېږي. که د ننګرهار د سره رود ولسوالۍ د اوسيدونکو وينا وګورو بيا خو په ننګرهار کې امن تردې حالته بدتر حساب دی ؛ ځکه تورغر او توره بوړه چې د کمونيستانو او روسانو په مقابل کې د مجاهدينو پولادي مرکزونه و که وداعش ته دا مرکزونه په لاس ورکړل شي بيا نونه يوازې ننګرهار، بلکې د مشرقي ولاياتو علاوه نور ولايات او مرکزونه هم د جګړو په اور کې حسابېږي.
ترڅه وخته پورې خو به د ننګرهار چارواکي ځانونه په دې پېښه چوپ کړي خو هغه وخت چې تور غر اوتوربوړې څخه داعش د ننګرهار نورو ولسواليو ته او ولاياتو نظامي اکمالات پېل کړي او د ليدل شوو دوه څرخي الوتکو وروسته نور الوتکي تور غر او تورې بوړې ته سپکې او درنې وسلې د هوا څخه ښکته کوي بيا به د ننګرهار چارواکې د ولس په وړاندې څه ځواب ووايي او د رسنيو په وړاندې خو بيا ګونګه ژبه وقناعت وړ هم نه ګرځي.
دولت ته پکار دی چې لومړی په سره رود کې د دوه بهرنيو الوتکو څخه په ننګرهار کې د مشکوکو وسله والو په اړه پلټنې وکړي او د ننګرهار د ولس ځواب ووايي.
