ليکنه ـ بدر منهاج
د رسول الله صلی الله عليه وسلم مبارک سيرت ستا لپاره نمونه ده .
رسول الله صلی الله عليه وسلم ستا مقتداء او پيشوا دی ، ته يې بايد ګام په ګام په لاره ولاړ شې.
تا بايد تنهايي د حق لپاره له مبارزې څخه راونه ګرځوي ، ته بايد د مبارزې په لاره کې تش لاس ته پريشانه نشې. ته به ان شاءالله غالبېږې ، او پر تا به ډلې ډلې مسلمانان راټوليږي.
تا بايد د حق د دښمنانو تبليغات ونه ځوروي ، دغه تبليغات د دوی په زيان دي او ستا داعيې ته شهرت ورکوي ، د غافلانو هم ورپام کيږي ، فکر پکې کوي او ملاتړ ته د ملا تړي.
د اسلام په مبين دين هغه مهال د انسانانو مشرف کيدل زيات شول ، کله چې د مکې مشرکان د مکې په څلورو لارو کې کيناستل او د رسول الله صلی الله عليه وسلم په ضد يې منظم تبليغاتي کمپاين پيل کړ.
د مجاهدينو سرلښکره !
ستا پام بايد په ځوانانو راټول وي ، ځوانان د ځان ملګري کړه ، ځوانان د کمان غشي دي ، که ته يې در وانخلې ستا دښمن لاس ورته راغزوي ، که ته يې د دښمن په لور وار نکړې ، دښمن يې ستا پر لور واروي.
د مسلمانانو په لومړنۍ ټولنه کې چې رسول الله صلی الله عليه وسلم جوړه کړه د ځوانانو ونډه د پام وړ وه ، ته بايد د حق د دښمنانو له وعيدونو او تهديدونو څخه ونه ويريږې ، د څوکۍ ، مال او ښځو په لالچ کې د ونه غورځوي .
ته بايد د خپل کور ، کلي پريښودو ته تيار يې او د هجرت سختی وزغمې.
د مجاهدينو سرلښکره !
ته بايد له دښمن نه ونه ويريږې ، د الله په نصرت بايد باور ولرې ، ته بايد په دې باور ولرې چې د مسلمانانو کم او صابر ټولۍ د کافرانو په لوی لښکر غالبيږي.
ته بايد د حق له دښمنانو سره د جګړې تر څنګ له شرعي سياست او تدبير څخه هم کار واخلې ، خپل دښمنان متفرق کړې ، د هغوی قوت وويشې ، ټولو ته په يو ځل غېږ ورنکړې ، تا بايد په خپل صف کې منافقين له مبارزې او جهاد څخه مايوسه او نا اميده نکړي.
منافقين د رسول الله صلی الله عليه وسلم په دور کې هم ؤ ، ته بايد د خپل ځان په وړاندې ، د خپلو ملګرو په وړاندې او د خپلې داعيې په وړاندې د حق د دښمنانو له حشر څخه ، له تړونونو او ائتلافونو څخه ونه ويريږې.
د دښمنانو په وړاندې د جنګ تر څنګ له تکتيک څخه هم کار واخله لکه د احزابو په وړاندې د رسول الله صلی الله عليه وسلم له لوري د مدينې منورې د حفاظت لپاره خندق ، او د رسول الله صلی الله عليه وسلم په څېر د دښمن منځ ته ځري او عيون ليږه ، لکه حضرت ابن مسعود رضی الله عنه …
دوی په خپل استخباراتي فعاليت په خپل منځ کې سره ويشه .
د رسول الله صلی الله عليه وسلم په څېر له هر چا بيدار اوسه ، خطر ته تر ټولو لومړۍ ځان رسوه ، د دښمن حرکات څاره ، کله يې چې د حملې په کوم پلان خبر شوې وار پرې ړومبی کوه !
د مجاهدينو سرلښکره !
د رسول الله صلی الله عليه وسلم په څېر دښمن په غفلت کې ګير کوه ، يو ناڅاپه بريد پرې کوه ، د بريد لپاره حرکت د بايد ډير ګړندی وي.
د جنګي اسرارو ساتنه په ډير اهتمام کوه ، د بريدونو د پلانونو راز چاته مه ورکوه ، خپلو ملګرو ته د ضرورت او دندې مطابق راز ورکوه ، د مکې د فتح لپاره لکه څنګه چې رسول الله صلی الله عليه وسلم د خپل پلان د راز ساتنه کړې وه ، داسې خپل راز ساته ! مه يې په کور کې وایه ، مه يې نيږدې ملګرو ته ، توريې هم کوه !
کوشش کوه چې په هره فتح کې دې د خپلو ملګرو تلفات کم وي ، دښمن د راز په توره وهه !
په دښمن داسې رواني بريد کوه چې په کمو تلفاتو مات شي ، د خپل قوت نمايش د نن عصر په رسنيزو وسائلو کې داسې کوه لکه څنګه چې رسول الله صلی الله عليه وسلم د خپل لښکر مانور ابوسفيان ته وکړ.
د مفتوحه سيمو له ولس سره ښه چلند کوه ! کوشش وکړه چې حکومت په زړونو وکړې نه په سرونو …
مه خپلې بې وسۍ ته خپه کيږه ، او مه په خپل کثرت نازيږه ! اسباب برابروه ، ځکه د الله امر دی ، نور توکل په الله کوه .
له خپلو ملګرو سره نرم چلند کوه ! لکه يو پلار يې چې له زامنو سره کوي. د اصلاح کوشش يې کوه ، خو په تدبير او حکمت سره .
د مجاهدينو سرلښکره !
صداقت او عدالت د خپل ځان خوی وګرځوه ! په مصيبتونو صبر کوه ، الله په آسانيو کې يادوه ، په سختيو کې به دې نصرت په برخه وي.
لنډه دا چې ته بايد د جنګي فطرت له مخې عمل ونکړې ، ځينې وخت يو څوک له فطرت نه مجبور وي ، جنګ او شخړې مزه ورکوي ، ستا جهاد او قتال بايد د الله د امر د تعميل په هدف وي ، د عبادت په نيت وي او د رسول الله صلی الله عليه وسلم له سنتو سره په تمامه معنی برابر وي. بيا به ستا جهاد او قتال رښتونی جهاد او قتال وي.
