نعمان لطیف
د اشغال لومړني کلونه ول. طالبانو تازه په تازه مقاومت پیل کړی ؤ، دځای پر ځای شویو ماینونو په توسط یې د اشغالگرو همر ټانگونه له منځه وړل او وخت ناوخت به یې غلچکي بریدونه هم کؤل
د زبر ځواک، نړیوال بدمعاش او مجهز پوځي تیکنالوژۍ پر وړاندې دمقاومت پیل، د امریکایي ځناورو حواس داسې وارخطا او ننگولي ؤ چې له کومه ځایه به یې دمقاومت معمولي او حتی شکمن څرک هم ولید، F16 جیټ الوتکو به په هغه سیمه داسې غرهار او تړار جوړ کړ، لکه قیامت چې وي او نړۍ را نړېږي
دهمهغه کلونو زموږ دکلي کیسه ده؛ د ورځې امریکایي زغرؤال همر (ټانگ) ځمکني ماین وخوړ، گومان کیده چې زیات شمېر امریکایي پوځیان پکې سوځېدلي دي، خو سیمه دستي قرنطین شوه او هیڅوک ونپوهېدل چې مړي زیات دي، که زخمیان؟!
شپه ده، توره تیاره ده، فضاء خاموشۍ نېولې ده، عالم په بېغمه خوب ویده دی، همدغه وخت دجیټ الوتکو اسمان څېرؤنکي غږونو ټول کلی له خواږه خوبه راویښ کړ
جیټ ولې راغلل؟! کیسه داسې ؤه؛ د یؤه کلیوال ښځه په ماشوم مریضه ده، خاوند یې له کور وتلی او څنگ ته دخواښې کور ته ورغلی دی. خواښې یې له ځانه سره خپل کور ته راوستې ده
خاوند یې بچیان پاڅولي دي او بله کوټه کې څملاست شوي دي
ماشوم پیدا شوی دی، دماشوم أنا له کوټې را وتلې ده، پخلنځای کې یې اور بل کړی دی تر څو ماشوم او مور ته یې، یو څه ضرورتونه تیار کړي
له کله چې خاوند له کوره وتلی دی، له همدغه ځایه ددوی حرکات تر څار لاندې راغلي دي او کله چې دماشوم أنا اور لگولی دی، ځناورو او یرغلگرو امریکایانو جیټ الوتکو ته امر کړی دی چې کور بمبار کړي
دکور په هره کوټه له F16 جیټ الوتکې یو ـ یو مېزایل وتوغول شو، کوټې په بل مخ واوښتلې
نړۍ ته د نوي راغلي ماشوم غوښې دمور په غوښو کې ورکې شوې، دپلار او دوه اولادونو غوښې څنگ ته کوټه کې، په یو او بل کې سره ورکې شوې. دماشوم أنا پخلنځي کې دځناورو امریکایانو، او دکوفي شمر دیارانو دغدر ټپونه په گونځې گونځې بدن وگالل او دکربلا دمعصومانو دقافلې غړېتوب یې برخه شو.
په سبا چې کتار جنازې اېښې وې او خلک ډلې ډلې راتلل، له لیږ پس پسک وروسته به یې سترگې په هغه لور واوښتې چېرې چې دکربلا دوه وارثانې ولاړې وې، په داسې حال کې چې له سترگو یې اوښکو دارې وهلې او په وینو ککړ او خړپړ مخونو یې دبېگاني وحشت ټول داستان جؤت انځور ؤ
همدغه شېبه چې کور بمباریږي، کشره خور (چې اته کاله عمر لري) مشره خور (چې لس کاله عمر لري) له خوبه پاڅوي، له کوټو لیرې دکلا یؤه کونج ته اودس ماتي ته ځي، په کور یو پر بل پسې مېزایل لگیږي، خو دوی دواړه چې همدغه مهال له کوټو وتلي دي خدایﷻ بچ کوي
موږ چې هر کال په لسم دمحرم الحرام دکربلا په مظلومانو اوښکې تویؤو، تر دې دا بهتره ده چې په اوس کې دکربلا دمظلومانو وارثان او دکربلا دغدارانو لاریانو تفکیک کړو، او د امام حسین او شمر پیروان جلا کړو
امریکایي یرغلگرو او ډالري غلامانو یې گام پر گام د شمر لاره تعقیب کړې ده، او کور په کور، هره شپه او شېبه، په هره پلمه او دوکه د امام حسین دقافلې لارویان په شهادت رسوي
په الله قسم دډېری شهید شویو او ژونديو مجاهدو طالبانو دکورنیو حال احوال کټ مټ لکه دکربلا دمعصومو آلِ بیتو په څېر دی
هغوی که گوټ اوبو پسې ترپکې ووهلې، له تندې یې ساگانې ورکړې او مبارک سرونه یې دغدارانو په نېزو کې وټومبل شؤل، دوی هم دهېواد په سم او غر کې په داسې وزنداره او بېکاره بمانو وویشتل شول چې دځینو غوښې دهوا مرغانو وخوړلې او ځینې یې ټوټه ـ ټوټه، او تار ـ تار په خاورو ومنډل.
ځینو د امام حسین دنېمگړو هیلو دتکمیل په پار دظالمانو خلاف له سینو باروت تاؤ کړل، او ځینې دځناور صفته دښمن، او د شمر لارویانو فاسفورسو او وحشت په اور او باروتو لولپه او کباب کړل.
ملخص دا چې؛ هغه څوک چې د امام حسین په مظلومیت اوښکې تویوي او دطالب په مقاومت او مظلومیت سترگې پټوي، د شمر لاروی او د امام حسین دښمن دی
امام دظلم او ظالم خلاف قیام کړی ؤ او تر قیامته دظالم خلاف قیام د امام رضي الله عنه نېغه او کامله اقتدا ده.
