نن د ولسمشریزو ټاکنو لپاره نوم لیکنه پیل کیږي

َ
(کابل ټکی کام ۱۳۹۷ مرغومی ۱)
د ټاکنو خپلواک کمیسیون وایي، نوماندان کولی شي سر له نن“ شنبې“ څخه بیا تر راتلونکو ۱۲ ورځو پورې راتلونکو ولسمشریزو ټاکنو ته نوم لیکنه وکړي .
د یاد کمیسیون ویاند میرزا محمد حق پرست وایي،د نوماندانو لومړنی لیست به د روانې میاشتې پر ۱۸ نیټه ابلاغ شي او وروستی او وروستی به یې د راتلونکې سلواغې (دلو) پر شپږویشتمه نیټه نهایي شي.
د ټاکنو کمیسیون دغه راز ویلي چې ټاکنې به د راتلونکې وري (حمل) پر ۳۱ مه نیټه ترسره کیږي.
دې ټاکنو ته تر اوسه ولسمشر غني، حنیف اتمر، شیدا محمد ابدالي، عمر داودزي، او څو تنو نورو اشخاصو دنوماندۍ تابیا نیولې.