(کابل ټکی کام ۱۳۹۷ کب ۱)
د بشري حقونو د څارنې نړیوالې ادارې هیومن رايټس واچ پر هندي چارواکو غږ کړی چې پر مسلمانو لږکیو دې له تاوتریخوالي لاس واخلي او د دغې ادارې کارمندانو ته دې اجازه ورکړي چې په دې برخې کې خپلې څیړنې وکړي.
بشري حقوق وایي د نریندرا مودي ګوند بهارتیاجناتا پارټي (بي. جي. پي) تر واک لاندې چې یو متعصب هندو مشرتابه بلل کیږي، په وروستیو دریو کلنو کې تر ۴۰ زیات مسلمانان د غوا د غوښې د خوړلو په جرم وژل شوي دي.
د هند یوې وېب پاڼې چې پر مذهبي اقلیتونو د حملو په اړه ارقام را غونډوي، ویلي چې په وروستۍ یوه لسیزه کې د مذهبي کرکې پر اساس نوي فیصده قتلونه د صدراعظم نرېندر مودي د واکمنۍ په کلونو کې شوي دي.
دغه اداره وایي، د مسلمانانو یو شمېر قربانیان په ونو پورې را ځړول شوي، ځیني غرغره شوي او حتی د یو شمېر کسانو سوځول شوي جسدونه هم موندل شوي دي.
هیومن رایټس واچ ویلي، هند یې د تحقیقاتو مخنیوی کوي او نه پریږدي په دې برخه کې خپلې بې پرې څیړنې ترسره کړي.
راپور زیاتوي، په ۲۰۱۶ کال کې هند په چهاړکنډ ایالت کې د دوو مسلمانانو شپنو مړي وموندل شول چې غوا يې د خرڅلاو لپاره بازار ته روانه کړې وه.
د یادونې وړ ده چې هندوتن غوا یو سپیڅلی حیوان بولي او عبادت یې کوي
