(کابل ټکی کام ۱۳۹۷ کب۶)
د ویسا خپلواکې ورځپاڼې د یوناما وروستي خپاره شوي راپور ته کتنه کړې او حکومت یې له همدې کبله ننګولی دی.
ویسا ویلي،
“که دې ته پام وشي چې بهرنیو لوریو له افغان حکومت سره پر دې هوکړې کې وه چې د جګړې او بمباریو د مرګ ژوبلې خبرونه به نه پرېږدي چې خپاره شي، بیا هم چې تر ۱۱ زرو تنو افغانانو ته مرګ ژوبله اوړي د وحشتونو او فاجعې ژورتوب ترې له ورایه ښکاري چې تر ټولو ستر لامل یې بې کفایته حکومت دی“
ورځپاڼه دملي یووالي حکومت تپل شوې اداره بولی چې نه د ولس لومړیتوبونه پېژني او نه یې درد او رنځ درک کولای شي ځکه چې په وینا یې “د حکومت مسؤولیت همدغه دی چې د ولس د سر اومال امنیت خوندي کړي، برعکس حکومت له یوه پلوه د نړیوالو ځواکونو د وحشتونو پر وړاندې چوپه خوله دی، بل لور ته په ډېرو وړوکیو او لوېدلیو مسایلو کې بوخت دی چې نه د جګړې او د فاع توان لري او نه د سولې اراده.
و“
ویسا د یوناما راپور یو پیغور بللی چې په خبره یې “ چارواکي له بده مرغه د یوناما د دغسې پېغورونو د درک توان او جوهر نه لري“
ورځپاڼې ارګ د سولې پر وړاندې د سختو ګامونو په اخیستو هم تورن کړی او زیاتوي چې ولسمشر یواځې په خپلو قلقلو مین دی او د سولې د پیل شویو خبرو په غبرګون کې یې عملاً په امنیتي ادارو کې داسې بدلونونه را وستل چې مقابل لوري ته د جګړې د تودېدو پیغام ؤ“
