کابل ټکی کام (چهارشنبه، ۲۲کب، ۱۳۹۷ل)
ولسمشرۍماڼۍ په يوه اعلاميه کې دولسمشر دسفر خبرورکړ،ولسمشرۍ ماڼۍ وايي چې ولسمشر اشرف غني د لوړپوړي پلاوي په مشرۍ د اذربايحان پلازمېنې باکو ته روان شوی دی.
ولسمشر به هلته د باکو په نړيواله مجمع کې د ګډون ترڅنګ د نظامي ګنجوي نړيواله جايزه هم ترلاسه کړي.
ولسمشر به همداراز هلته د اذربايجان ولسمشر الهام علي اوف سره هم کتنه وکړي، او په دوه اړخيزو اړيکو به بحث وکړي.
په دغه سفر کې به دواړه هېوادونه د مخابراتي او مالوماتي ټکنالوژۍ په برخه کې يوه موافقتنامه، د کلتور او اورګاډي پټلۍ په برخو کې هم تفاهم ليکونه لاسليک کړي.
