[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]
کابل ټکی کام(شنبه، ۲۵کب، ۱۳۹۷ل):
له هغه وروسته چې په هېواد کې د ګډو ځواکونو په هوایي او ځمکنیو عملیاتو کې د ګڼو ملکي وګړو پر مرګ ژوبله افغانانو توند غبرګونونه څرګند کړل ولسمشر غني نن په ارګ کې د ملکي تلفاتو د مخنیوي په اړه جوړې شوې فوق العاده غونډې ته ویلي چې د دوی موخه صفر ته د ملکي تلفاتو رسول دي. له ارګه په خپرې شوې خبرپاڼه کې راغلي چې نوموړي نن په ارګ کې د ملکي تلفاتو د مخنیوي په موخه جوړې شوې غونډې ته ویلي چې د دوی ټوله هڅه دا ده چې د ملکي تلفاتو کچه صفر ته راټیټه کړي او دا کار غوره طرحو ته اړتیا لري. سرچینه کاږي په دې جلسه کې امنیتي او دفاعي ارګانونو د ملکي تلفاتو د مخنيوي په موخه خپلې طرحې ولسمشر ته وړاندې کړې چې ولسمشر ورته د لا ښه والي لارښونه کړې ده. غني زیاته کړې، په دغه طرحه کې دې اوږدمهاله ارزونې په پام کې ونیول شي چې سمې تطبیق شي.
همدا راز ولسمشر څو ورځې وړاندې هم په یوه غونډه کې وویل چې که په یوځای کې دلویې نظامي لاسته راوړنې ترڅنګ زموږدیوعام وګړي ژوند ته خطر پیښیږي،باید برید ونشي،خو موږګورو چې له دغه شعار وروسته ملکي تلفات بې انتهاء لوړشوي.
بل خوا دولسمشر ننۍ څرګندونې عامو هیوادوالو،اوخصوصا دسوشل میډیا کارونکو حیرانونکې بللي، ځکه چې ورځ په ورځ په عاموخلکو بې ساري بریدونه کیږي خو ارګ لا په طرحو اوشعارونو بسنه کوي.
