اسرائیلو دحماس ډلې سنګرونه بمبارکړي
کابل ټکی کام (یک شنبه،۴وری،۱۳۹۸ ل)
د اسرائیلو پوځ وايي، دا بمباري وروسته له هغه وشوه چې فلسطیني اعتراض کوونکو د سرحدي دېوال له سره دې هېواد ته چادوېدونکې وسیلې ګوزار کړې.
د اسرائیل پوځ تېره شپه په یوه بیان کې وویل چې ځینې دا وسیلې وچاودېدلي او له دې سره هوايي ځواک د غزې په جنوبي برخه کې د حماس د څار پر دوو مرکزونو بمباري وکړه.
د دې بمبارۍ په نتیجه کې د تلفاتو راپور نه دی ورکړل شوی.
په همدې حال کې په غزه کې د روغتیا وزارت نن د هغه فلسطیني مړینه اعلان کړه چې مخکې د اسرائیلي سرتېرو سره په ډزو ټپي شوی و.
دوه فلسطینیان د جمعې په ورځ هم په سرحد کې په دوو جلا نښتو کې د اسرائیلي ځواکونو په ډزو ووژل شول.
