خلیلزاد:له طالبانوسره دافغانستان په خارجي اړخ خبرې شوي
کابل ټکی کام(پنجشنبه،۸وری،۱۳۹۸ ل)
د افغان سولې لپاره د امریکا ځانګړی استازی زلمی خلیلزاد وايي له طالبانو سره د بهرنيو ځواکونو پر وتلو، اونوروخارجي اړخونو خبرې شوي.
زلمي خلیلزاد په دې مرکه کې د حمدالله محب د څرګندونو په غبرګون کې هم ویلي چې افغانستان کې د امریکا لپاره کار کوي او کوم «شخصي هدف» نه لري.
هغه زیاته کړې د مؤقت حکومت په اړه يې له طالبانو سره څه نه دي ويلي او دا د افغانانو خپل منځي موضوعات دي.
د هغه په وینا مهمه دا ده چې افغانان پخپله ستونزې حل کړي او پر دې بحث وکړي چې څنګه سره یو ځای ارام ژوند وکړي.
زلمی خلیلزاد د سولې په بهیر کې د یو بل سفر په دوران کې انګلستان ته رسېدلی،اوتمه ده چې څه موده وروسته امریکايي ټیم یوځل بیاطالبانو سره په قطر کې غونډه وکړي، اوپه منتخبو موضوعاتو هراړخیز بحثونه وکړي.
