چارواکي وایي چې د سرپل ولایت د سانچارک ولسوالۍ د سقوط له ګواښ سره مخ ده
د سانچارک ولسوال نقیب الله دقیق ازادي رادیو سره په خبرو کې ویلي، که په وخت اضافي ځواکونه دې ولسوالۍ ته ونه لیږل شي، سقوط به وکړي
د دقیق په وینا چې تیره شپه هم طالبانو د سانچارک ولسوالۍ په ختیځ کې په یوه پوسته برید وکړ او د طالبانو لاس ته ولویده
نوموړی وایي، په دې پوسته کې ۷۰ تنه سرتیري میشت وو چې ټولو د طالبانو د برید له امله پوسته تخلیه کړه
دا په داسې حال کې ده چې افغان حکومت د الخالد په نوم نوي پسرلني عملیات اعلان کړي دي
د یادونې وړ ده چې په دې وروستیو کې طالبانو خپلو بریدونو ته زور ورکړی او زیات شمیر امنیتي ځواکونو ته یې مرګ ژوبله اړولې
