کرنې وزارت؛ د اوبو رسولو ۳۱ بېلابيل تړونونه لاسليک کړل
(کابل ټکی کام، ۱۳۹۸، وری ۲۸)
د افغانستان د کرنې او مالدارۍ وزارت چې د څلورسوه یو اويا افغانيو په ارزشت يې د اوبو لګولو بېلابيل تړونونه لاسليک کړي دي.
د دغه وزارت وياند اکبر رستمي وايي، دغه تړونونه نن د چهارشنبې په ورځ لاسليک شول چې له مخې به يې ۳۱ د اوبو رسولو شبکې جوړيږي په وينا يې دغه شبکې به شاوخوا پنځوس زره جريبه ځمکه خړوبه کړي.
نوموړی وايي، له یادو شبکو به بزګرانو ته زياته ګټه ورسيږي زياتوي د دغه شبکو له اوبو به ۸۶۸۵ بڼوال او بزګران ګټه ترلاسه کړي.
د ياد وزارت د مسؤولينو په وينا، دغه شبکې د کرنې د پراختيا لپاره د نړيوال مرستندوی صندوق ” IFAD” له خوا تموليږي چې د کرنې وزارت له خوا به يې چارې په دوو برنامو کې پلې شي.
د کرنې وزارت مسؤولين وايي، د يادو شپکو په جوړولو سره به د اوبو د ضایع کيدلو شل سلنه مخه ونيول شي، او د اوبو مديريت به هم ښه شي چې ورسره به کرنيز محصولات تر پخوا زيات توليديږي.
د افغانستان د نهرونو او رودونو اوبه په اوسط ډول په کال کې ۵۷ اووه پنځوس ميليارده متر مکعبه اوبه ته رسيږي چې د افغان کډوالو لپاره د ډنمارک مرستندویه کمېټې ډاکار DACAAR د راپور پر بنسټ د دغه اوبواووه څلوېښت سلنه پرته له دې چې په افغانستان کې وکارول شي له هېواده بهر ځي.
