کابل ټکی کام ( دوشنبه، ۹ غوايي ، ۱۳۹۸ل)
د امریکا د بهرنیو چارو وزارت ځانګړي استازي زلمي خلیلزاد نن په اسلام اباد کې له پاکستاني چارواکو سره د افغان سولې په اړه بحث کړی دی.
په اسلام اباد کې مشهور خبریال طاهر خان وایي چې د خلیلزاد او پاکستاني چارواکو د نني مجلس یوې سرچیني ورته ویلي، خلیلزاد له پاکستاني مقاماتو غوښتنه وکړه، چې طالبان له افغان حکومت سره خبرو ته اماده کړي.
د سرچینې په وینا چې پاکستاني چارواکو د خلیلزاد دې غوښتنې ته منفي ځواب ووایه او ویې ویل چې په طالبانو اغیز نلرو.
زلمی خلیلزاد لا هم په پاکستان کې دی او د دې هیواد له لومړي وزیر عمران خان سره به هم وګوري.
خلیلزاد د افغان سولې په تړاو سیمې ته په شپږم سفر بوخت دی او د دې سفر په ترڅ کې به په قطر کې له طالبانو سره هم یو ځل بیا خبرو ته کیني.
