ملي لوبډله په سویلي افریقا کې له تمریناتي کمپ وروسته کابل ته راستنه شوه
کابل ټکی کام ( سه شنبه، ۱۰ غوايي ، ۱۳۹۸ل(
افغان ملي لوبډله کابو یوه میاشت وړاندې د تمریناتي سیالیو لپاره سویلي افریقا ته تللې وه چې تیره ورځ بیرته کابل ته راستنه شوه.
د چارواکو په وینا چې د لوبډلې تمریناتي پلان د اورښتونو له امله سم نه دی عملي شوی.
ملي لوبډله کابل ته راستنیدو وروسته د انګلستان د سفارت لخوا غوښتل شوې وه او هلته یې د انګلستان هیواد له سرپرست سفیر جاېلز لېور سره لیدلي وو.
لېور د افغان لوبډلې ستاینه وکړه او ویې ویل چې د کرکټ په نړۍ کې افغان لوبډله یو قوي ځواک دی.
د نوموړي په خبره چې دا ځل به افغان ملي لوبډله سترو لوبډلو ته ماتې ورکړي.
لوبډلمشر ګلبدین نائب د انګلستان له مرستیال سفیره مننه وکړه او زیاته یې کړه چې لوبډله به خامخا افغانانو ته خوښي وربښي او بریاوې به راوړي.
