بلخ: په خلم ولسوالۍ کې ۱۱ تنو پولیسو ته مرګ ژوبله اوښتې
کابل ټکی کام (پنج شنبه، ۱۹ غوایي، ۱۳۹۸)
د بلخ ولایت چارواکي وایي چې د طالبانو په برید کې ۱۱ تنو امنیتي ځواکونو ته مرګ ژوبله اوښتې ده.
د بلخ ولایت د امنیه قومندانۍ ویاند عادل شاه عادل رسنیو ته ویلي چې تیره شپه د دې ولایت د خلم ولسوالۍ اړوند د مارسوراخ په سیمه کې د امنیتي ځواکونو په پوسته برید وشو.
دی وایي چې د برید لپاره له قلعه زال ولسوالۍ څخه طالبان راغلي وو.
د عادل په وینا چې په برید کې پنځه تنه پولیس وژل شوي او شپږ نور ټپیان دي.
د نوموړي په خبره چې په نښته کې طالبانو ته هم مرګ ژوبله اوښتې خو طالبانو تر اوسه په دې اړه له رسنیو سره څه نه دي شریک کړي.
د روژې په میاشت کې طالبانو خپلو عملیاتو ته ډیر زور ورکړی دی.
د طالبانو ویاند ذبیح الله مجاهد اوس تازه په خپل ټویټر لیکي چې د کندوز په قلعه ذال ولسوالۍ کې د دوی جنګیالیو په یوه پوسته چاپه وهلې او ۱۹ عسکر یې پکې وژلي دي.
مجاهد د زیاتو وسلو او مهماتو د نیولو ادعا هم کوي.
