کابل ټکی کام ( شنبه، ۲۱ غوايي ، ۱۳۹۸ل)
دامریکا له غوښتنو او انتقاداتو وروسته ملګرو ملتونو هم شمالي کوریا ته داټومي وسلو دبندېدا امرکړی.
د نړۍ اویا هېوادونو له شمالي کوریا وغوښتل چې له اټومي وسلو، بالستیک توغندیو او ددې اړوندو پروګرامونو چې د نړۍ سولې ته بېځایه ستر ګواښ دی لاس واخلي.
امریکا، جنوبي کوریا، اسیا، لاتیني امریکا، افریقا او د اروپا یو شمېر هېوادونو پرون دا پرېکړه لیک چې طرحه یې فرانسې وړاندې کړې وه لاسلیک کړ. روسیې او چین چې د شمالي کوریا ملګري دي، ددې سند له لاسلیکه ډډه وکړه.
شمالي کوریا تېره اوونۍ دوه ځلې د لنډ واټن توغندیو ازموینې وکړې.
چې دامریکا غوسه یې راوپاروله او په دې اړه یې دسیاسي تفاهم له لارې شمالي کوریا ته دعوت ورکړ، ترڅو دواړه هېوادونه یو توافق ته ورسېږي، خوشمالي کوریا دپخواپشان دخپلو اټومي وسلو په ازموینه بوخته ده.
