عُقابي جانان
د رب معصوم ملائکان درسره مينه لري
حبيبه واړه مؤمنان درسره مينه لري
پر تا دُرود او سلام وایي پاک الله پخپله
هم انسانان او هم پېريان درسره مينه لري
د ستا له رويه پيدا کړي خدای جنت او دورخ
د جنت حورې او غلمان درسره مينه لري
وحشي لېوانو کړې ستا د اصحابانو دفاع
په ځنګلو کې ازمريان درسره مينه لري
ستا په فراق کې يې صديق ته ټک ورکړی ګرانه
دومره حسين يې چې ماران درسره مینه لري
ستا مبارک نومونه اخلي او درودونه وايي
زمونږ مشران او ماشومان درسره مينه لري
د ستا صفت کوي مدام ښکلي نعتونه وایي
د “عُقابي جانان” ياران درسره مينه لري
