هند: پلوامه کې د بیلتون غوښتونکو او هندي سرتیرو ترمنځ نښته شوې
کابل ټکی کام( پنجشنبه، ۲۵غوایي، ۱۳۹۸)
د هند اړوند کشمیر پلوامه کې د هندي ځواکونو او بیلتون غوښتونکو سرتیرو ترمنځ نښته رامنځته شوې او دواړو لورو ته مرګ ژوبله اوښتې ده.
د هند رسنیو خبر ورکړی چې هندي ځواکونو په پلوامه کې د بیلتون غوښتونکو ځای په نښه کړ او وروسته د چاپې اچولو په خطر سیمې ته ولاړل.
هندي ځواکونه د چاپې اچولو پر مهال له وسلوال غبرګون سره مخ شول او د دواړو خواو ترمنځ نښته پیل شوه.
په جګړه کې یو هندي پوځي وژل شوی او دوه تنه نور ټپیان دي.
د سرچینو په حواله چې درې تنه بیلتون غوښتونکي هم وژل شوي او یو تن ملکي وګړی ژوبل شوی دی.
د سیمې خلکو ویلي چې هندي ځواکونو د سیمې د یو کس کور هم په بمونو الوځولی دی.
د سیمې اوسیدونکو د هندي پوځیانو د دې کړنې په غبرګون کې لاریون کړی چې د پولیسو لخوا له خنډ سره مخ شو
