کابل ټکی کام( پنجشنبه، ۲۵غوایي، ۱۳۹۸)
ولسمشر غني د افغانستان او پاکستان لپاره د جرمني له ځانګړي استازي مارکس او د افغانستان په چارو کې د ایران له استازي سره لیده کاته کړي دي.
دوی د ګڼو موضوعاتو ترڅنګ په افغان سوله هم غږیدلي دي.
مارکس ویلي چې جرمني تیار دی ترڅو د افغان سولې په برخه کې بشپړه همکاري وکړي.
مارکس زیاته کړې چې هیواد یې هڅه او کوښښ شروع کړی ترڅو د بین الافغاني خبرو اترو لپاره لار هواره کړي.
مارکس دا خبرې په داسې حال کې کوي چې د قطر په دوحه کې د طالبانو او افغاني سیاسي شخصیتونو ترمنځ غونډه د ارګ په هڅو او زیار لغوه شوه.
طالبانو ویلي وو چې په دې غونډه کې څوک د افغان حکومت په استازولۍ ګډون نشي کولای خو ولسمشر غني ټینګار کاوه چې د ده له لوري به ۲۸۰ تنه ګډون کوي.
همدا لامل وو چې غونډه تر نامالومې مودې پورې لغوه اعلان شوه.
