ژباړه: مولوی ضیاءالحق 《صدیق یار》
۱: له ابی سعید الخدری رض څخه روایت دی چه یو سړي له بل سړي واورېدل چې سورة اخلاص یې تلاوت کولو او بار بار یې ویلو، کله چه صبا شو نبي کریم ص ته راغلو داواقعه یې ورته ذکر کړه، نبی کریم علیه السلام ورته وویل: زما دې قسم په هغه ذات وي چې زما روح یې په قبضه کې دی، داسورة دقران له دریمې سره برابردی.
۲: همدارنګه له ابی سعیدالخدری رض څخه روایت دی هغه وایي نبی کریم ص خپلو اصحابانوته وویل: ستاسو په وس کې شته چه د قرآن دریمه هره شپه ولولئ!، دا کار پر صحابه کرامو سخت شو او ویې ویل پر موږ کې کوم یو د دې طاقت لري؟، نبی کریم ص ورته وویل (الله الواحد الصمد) یعنی سورة اخلاص د ثلث القرآن برابر دی.
۳:عائشه رض فرمایي نبی کریم ص یو سړی له سریه سره ولېږلو، هغه به خپلو ملګرو ته په لمانځه کې قرائت ویلو او په سورة اخلاص به یې ختمولو، کله چه صحابه کرام راوګرځېدل، نبي کریم ص ته یې دا واقعه ذکر کړه، صحابو ته نبي کریم ص وویل: پوښتنه ترې وکړئ! د څه لپاره یې داسې کول!
دوی ترې پوښتنه وکړه، هغه وویل ځکه دا صفت د رحمان دی، زه خوښوم چې ورباندې قرائت ولولم.
نبي کریم ص ورته وویل: خبر ورکړئ ده ته چه الله ستاسره مینه لري.
۳:له ابی هریرة رض څخه روایت دی هغه وایي چې زه له نبی کریم ص سره مخامخ شوم د یو سړي څخه نبی کریم ص سورة اخلاص واوریدلو، نبی کریم ص وویل: واجب شو ماورته وویل څه شی واجب شو؟ نبی کریم ص وویل جنت.
۴:انس بن مالک رض له نبی کریم ص څخه روایت کوي: چا چې هره ورځ سورة اخلاص دوه سوه ځله ولوستلو الله تعالی به ورته د پنځوسوکلونو ګناهونه معاف کړي، بدون له قرض نه.
۵:په همدې سند له نبی کریم ص نه روایت دی څوک چې خپلې بسترې ته ځي بیا په ښي طرف ویده شي، بیا سورة اخلاص ووایي سل ځله، کله چې د قیامت ورځ شي الله به ورته وایي اې بنده! جنت ته په ښي طرف داخل شه.
۵:انس ابن مالک رض روایت کوي چې نبی کریم ص وویل: چا چې سورة اخلاص پنځوس ځله ولوستلو ده ته به د پنځوسو کلونو ګناهونه معاف شي.
۶:سعید بن المسیب وایي نبی کریم ص فرمایلي دي: څوک چې سورة اخلاص لس ځله ولولي. ده ته به په جنت کې ماڼۍ جوړه شي،که یې شل ځله ووایي دوه ماڼۍ به ورته جوړې شي، که یې دېرش ځله ولولي درې ماڼۍ به ورته جوړې شي،
عمرابن الخطاب رض وویل :زما دې قسم په الله وي یارسول الله! په دی وخت کې به زه ماڼۍ زیاتې کړم
نبی کریم ص ورته وویل: الله له دی نه هم زیات پراخه کوونکی دی.
۶:یزیدبن عبدالله بن الشخیر له خپل پلارنه روایت کوي هغه وایي: نبی کریم ص فرمایلي: څوک چې سورة اخلاص په مرض الموت کې ووایي د قبر له فتنې، تنګوالي او نیولو د قبر څخه به په امن وي او د قیامت په ورځ به یې ملائکان په خپلو لاسونوکې وړي تر دې چې له پُل صراط تېر شي.
۷:عبدالله بن عمرله نبی کریم ص څخه روایت کوي هغه وايي نبی کریم ص وفرمایل: څوک چې د جمعې په ورځ مسجد ته داخل شي، هلته څلور رکعته لمونځ وکړي په هررکعت کې فاتحه او پنځوس ځله سورة اخلاص ولولي (دوه سوه ځله سورة اخلاص شو) تر هغه پورې به دا کس مړ نه شي ترڅو یې خپل ځای په جنت کې نه وي لیدلی او یا به ورولیدل شي.
۸:سهل بن سعدالساعدی وایي نبي کریم ص ته یوکس د غربت او د ژوند د تنګوالي شکایت وکړ، نبي کریم ص ورته وویل: کله هم چې کورته داخلیږې سلام کوه! که څوک په کورکې ؤ، که نه ؤ بیا پر ما سلام اچوه! او یوځل سورة اخلاص لوله.
دې سړي دا کار وکړ، الله نه تنها پر ده رزق پراخه کړ، بلکې ګاونډیان یې هم الله مالدار کړل.
۹:حضرت انس رض وایي له نبي کریم ص سره په تبوک کې ؤ چې لمر له داسې سپینوالي، شعاع او نور سره راوخوت چې موږ یې مثال نه ؤ لیدلی تر دې چې حضرت جبریل علیه السلام راغلو، نبي کریم ص ورته وویل: جبریل نن لمر څنګه داسې راختلی چې مثل یې مخته نه دی لیدل شوی؟
جبریل وویل: دا ځکه چې معاویه بن معاویه اللیثي په مدینه کې نن ورځ وفات شوی، الله اویازره ملائکې د هغه د جنازې لپاره راولېږلې، نبي کریم ورته وویل: دا ولې حضرت جبریل علیه السلام ورته وویل: ده سورة اخلاص ډېر ویلو تر دې چې د شپې ورځې، په ولاړه، ناسته او تللو کې به یې هم ویلو.
بیا یې نبي کریم ص ته وویل: یارسول الله ایا ستاسو خوښه ده چې زه ځمکه رالنډه کړم تر دې چې ته هم ورباندې جنازه وکړې. ده ورته وویل هـو بیا یې جنازه پرې وکړه.
تفسیر قُرطبی ۲۰جلد ص۲۲۹ -۲۳۰-۲۳۱
