د بې نظیرې زوی: عمران خان نشي کولای، پاکستان له عذابه خلاص کړي
کابل ټکی کام( یکشنبه، ۲۹غوایي، ۱۳۹۸)
د بې نظیرې زوی او په پاکستان کې د پیپلز کوند مشر بلاول بوټو د عمران خان له مخکښو مخالفینو څخه شمیرل کیږي او له کومه وخته چې عمران خان لومړی وزیر شوی، د نوموړي تر سختو نیوکو لاندې دی.
بوټو اوس تازه د عمران خان په ضد څرګندونو کې ویلي چې دی نشي کولای ترڅو پاکستان له عذابه خلاص کړي.
د بوټو په وینا چې پاکستان له سخت اقتصادي کړاو او حالت سره مخ شوی دی.
بلاول بوټو د پاکستان له نورو ګوندونو څخه غوښتي چې سره یو ځای شي او پاکستان له دې حالته وباسي.
ډان ورځپاڼې ویلي چې بلاول بوټو په هڅه کې دی ترڅو د عمران خان په ضد نور سیاستوال سره راټول کړي او په ګډه یوه حللاره ولټوي.
د سرچینې په وینا چې تیر ماښام هم د بلاول بوټو په کور کې د سیاسي ګوندونو د مشرانو غونډه ترسره شوې خو بوټو وایي چې دې ناستې کومه رسمه بڼه نه لرله.
