(کابل ټکی کام، ۱۳۹۸، غبرګولی ۵)
طالبانو د غزني ولايت په قرباغ ولسوالۍ کې هغه دوه تنه په ډزو وژلي چې په لویه لاره کې د غلا او د يوه نارينه د قتل تور ورباندې و.
طالب وياند قاري یوسف احمدي په خپله ټويټر پاڼه ليکي، د عبدالله او قاسم جان په نومونو دوه تنه چې څه موده مخکې يې د کندهار- غزني تر منځ پر لاره یوه ښځينه له موټره ښکته کړې وه او یو تن مسافر يې وژلی و.
د احمدي په وينا، په دواړو کسانو د اسلامي امارت شرعي محکمې د قتلولو فيصله وکړه او ووژل شول.
طالبان چې تقريباً د هيواد په پنځوس سلنه خاوره بشپړ حاکميت لري او د هر ولايت لپاره اسلامي او شرعي محکمې او قضاياوې لري چې خلک خپلې فيصلې وروړي او پر طالبانو يې حل و فصل کوي.
د طالبانو تر واکمنۍ لاندې خلک د طالبانو له محکمو او فيصلو راضي دي وايي، چې حق خپل حقدار ته سپارل کيږي او فيصلې يې نه ځنډول کيږی.
دا لومړی ځل نه دی چې د طالبانو شرعي محکمه غلو ته د قتل سزا ورکوي بلکې تر دې مخکې يې هم د لويو لارو ځينې غله، قاتلين او نورو مجرمينو ته هم سزاګانې ورکړي دي.
خلک وايي، د شرعي محکمې په پلي کولو سره د جرم، غلاوو او قتلونو مخه نيول کيږي.
